2016 йилда ишлаб чиқарилган корейс фильми бўлмиш «Бусанга поезд» («Траин то Бусан») фильми кореялик кино ижодкорларининг энг кўп ютуқларга эришган фильмларидан бири десак муболаға бўлмайди. Ушбу фильм 2016 йилда Жанубий Кореядаги зомби апокалипсисини акс эттирувчи триллер фильми ҳисобланади. Фильм режиссори Йон Санг-Ҳо бўлиб, бош ролларда Гонг Йоо, Жунг Ю-Ми ва Ма Донг-Сеоклар иштирок этишган.Фильмдаги воқеалар асосан Бусан поездида содир бўлади, чунки зомби апокалипсиси мамлакатда тўсатдан пайдо бўлиб, йўловчилар хавфсизлигини бузади. Фильмнинг премьераси 13 май куни Канн кинофестивалининг Тунги Лавҳалар қисмида намойиш этилди.
7 август куни ушбу фильм 10 миллиондан ортиқ томошабинларни ўзига жалб қилганлиги билан ўзидан олдинги қайд этилган рекордларни ортда қолдирди. Фильмнинг умумий тўплаган касса маблағи 93,1 миллион долларга етди. Унинг қозонган ютуқлари кўпгина мамлакатларда эътироф этилди.