Пиротехника воситаларини яширинча олиб киришга бўлган уринишларга қарши божхоначилар томонидан самарали кураш олиб борилмоқда.
Жумладан, Самарқанд вилоят божхона бошқармаси ходимлари томонидан Самарқанд шаҳрида ўтказилган тезкор тадбир давомида фуқаро С.П.нинг қўлидаги целофан пакет холислар иштирокида кўздан кечирилди. Бу ҳақда Давлат божхона қўмитаси ахборот хизмати хабар бермоқда.
Натижада, ушбу шахснинг ёнида 3000 дона пиротехника воситалари борлиги аниқланди.
Ҳозирда ушбу ҳолат юзасидан божхона органлари томонидан суриштирув ҳаракатлари олиб борилмоқда.