Бу йил Рождество Палм-Бич округидаги юзлаб ўқувчилар ва уларнинг оилалари учун эрта келди. Сўнгги ҳафталарда ўз фарзандлари бўлмаган бир киши Флорида штатидаги 9та мактабда ўқиётган ўқувчилар учун тушлик ҳақининг ҳаммасини тўлади, дея хабар бермоқда Truth Theory.WPEC TV News хабарига кўра, Эндри Леви болаларни тушлик пули бўлмаганлиги сабабли овқатланмасликларини эшитганидан кейин уларга хайрия қилмоқчи бўлган.
Леви болаларни оч қолиб кетаётганлигидан жуда таъсирланган ва у Юпитер номидаги мактабга болаларнинг тушликлари учун 944,34 долларлик чек ёзиб берган. GoodNewsNetwork хабар беришича, биргина сахийлик акти кўп ўтмай меҳр-оқибат занжирини келтириб чиқарди.
Барча мактабларда хайрия ҳаракатлари бошлангандан кейин, кўчмас мулк агенти бу ҳақда Фейсбукда хабар тарқатди. Юзлаб одамлар бу хайрияга қизиқиб қолишди ва кейинги сафар улар ҳам ушбу акцияда иштирок этишга қизиқиш билдиришган. Бунга жавобан Леви ҳар чоракда маблағ тўплашга қарор қилди. Унинг фикрича: "Бу ўқувчилар очликка эмас, балки ўқишга кўпроқ эътибор қаратишлари керак."