«Замин»ни Telegram’да ўқинг! Join!
Zamin.uz
, 29 2024, 17:59
ЎЗO‘Z

Лола хонандаларга лицензия берувчиларни клипи орқали яхшигина танқид қилди

14 ноя, 11:28 4 035 Маданият
«Замин»ни Telegram’да ўқинг!
Лола хонандаларга лицензия берувчиларни клипи орқали яхшигина танқид қилди Хонанда Лола "Севгингни менга айт" деб номланган таронасига ишланган иккинчи клипини тақдим этди. Ушбу клипда хонандаларга лицензия берувчи комиссия фаолияти ўзига хос равишда очиб берилган.

Клипда Лола лицензия олиш учун "Севгингни менга айт" қўшиғини комиссиянинг икки нафар аъзоси олдида саҳнада ижро этади. Хонанда "Ўзбекконцерт" лицензиясини олиб қўйиб, икки кундан кейин қайтариб берган Жаҳонгир Отажоновни ҳам эслаб ўтган. Унинг «Қадди баланд» таронаси янграганида комиссия аъзолари қўшиқни ўчиришни сўрайди. Лола қўшиқ айтаётганида комиссия аъзолари хонандани тўхтатиб, унинг либоси миллий менталитетимизга тўғри келмаслиги, шляпа кийиб олгани уларга ёқмаганини, шунингдек, саҳнада Лоланинг ёнида икки қиз ўрнига созандалар бўлса яхшироқ бўлишини айтади.

Лола шляпа ўрнига чўгирма кийиб чиқади, шу пайт саҳнага «жиноятга мойил бўлган» аёллар чиқиб келади. Уларнинг тоифаси бирма-бир ўқиб эшиттирилади, "Маънавий кўмакка муҳтож аёллар" дейилганида Лола "мен" дейди ва бошқа қолган аёллар билан саҳнадан чиқиб кетади.

Клипда, шунингдек, Лоланинг инстаграмдаги кузатувчиси ҳам иштирок этади. У хонандага қараб "Сизнинг томингиз кетганми? Ёки Марувга тақлид қиляпсизми?" деб сўрайди. Видеода соқолли эркаклар ҳам кўриниш берган.

Клип охирида бадиий комиссия аъзоси Лолага лицензия берилгани ҳақидаги ҳужжатни имзолайди, қўшиқ эса "Ўзбек шоу-бизнесига омад, чўнтакка даромад" сўзлари билан якунланади. Хонанда бу билан лицензияни сотиб олиш мумкинлигига ишора қилган бўлиши мумкин.

Эслатиб ўтамиз:
Лола ўз фаолиятида бир неча маротаба бюрократик тўсиқларга дуч келган. "Ўзбекнаво" эстрада бирлашмаси 2015 йилда "ўта очиқ саҳна либослари учун" унинг лицензиясини бекор қилган эди. Лола "Ўзбекнаво"га лицензиясини қайтариб беришни сўраб мурожаат қилган, бир неча давлат тадбирларида иштирок этган эди. Бирлашма томонидан унинг лицензияси 2015 йилнинг декабрида қайтариб берилган.

2017 йилнинг февраль ойида "Ўзбекнаво" эстрада бирлашмаси тугатилгач, унинг ўрнига "Ўзбекконцерт" давлат муассасаси ташкил этилди. Ушбу муассаса хонандаларнинг ижоди, ўзини тутиши, кийиниши миллий менталитетга, ўзбекона урф-одатларга мос келишини назорат қилади.

Аввалроқ, Лола инстаграмдаги саҳифасида пост қолдирган эди. Унда хонанда ўзбек оилаларида келинларнинг қандай қийинчиликларга дуч келиши ҳақида ўз мисолида маълумот бериб, аёлларни ўзини ҳурмат қилишга чақирган эди.




Мавзуга оид янгиликлар
  • Гомернинг «Илиада» асари қадимги чўккан кемаларни топишда ёрдам берди 27 мар, 13:05 143
  • «Ҳайрат» фильми Россия кинофестивалида тақдирланди 26 мар, 22:49 167
  • Ғуломжон Ёқубовнинг созандасига кўнгил қўйган Гулсанам Мамазоитова 43 ёшда (фото) 22 мар, 18:18 1 292
  • Эркаклардан кам бўлмаган муваффақиятга эриша олишини исботлаган аёллар ҳақидаги 10 та фильм 21 мар, 11:10 74
  • Равшан Комилов: “‘Х-фактор’ кўрсатувидан бир тийин ҳақ олганим йўқ” 13 мар, 11:00 356
  • Озодбек Назарбеков: “Энг тўғри йўл – санъаткорлар даромадини мажбурий декларациялаш” 13 мар, 00:30 299
  • Сўнгги янгиликлар
  • Олимлар қашшоқлик миянинг тез қаришига сабаб бўлишини аниқладилар 29 мар, 16:53 0
  • ИШИД ўз тарафдорларини Исроилда ҳужумлар уюштиришга чақирди 29 мар, 16:30 0
  • Россияда «Крокус»даги теракт ҳақида изоҳлар учун қўлга олишлар бошланди 29 мар, 16:03 0
  • Халқаро суд Исроилга мажбурият юклади 29 мар, 15:40 0
  • Франция разведкаси марказий осиёликларни кузатишни кучайтирмоқда 29 мар, 15:15 34
  • Путиннинг атрофидагилар Украинанинг «Крокус»даги терактга алоқадорлигига ишонмаяпти 29 мар, 14:48 96
  • Ўзбекистон — Гонгконг футбол учрашувидан сўнг уч кишига маъмурий қамоқ жазоси тайинланди 29 мар, 14:22 69
  • Ҳибсдан вақтинча озод этилган Дани Алвес тонггача зиёфат уюштирди 29 мар, 14:01 114
  • Тошкентда хавфли ҳолат содир этиб, қарама-қарши ҳаракатланган ҳайдовчига чора кўрилди 29 мар, 13:30 40
  • Музликларнинг эриши Ернинг айланиш тезлигини ўзгартирмоқда 29 мар, 13:06 153
  • Полшада Россия жосуслик тармоғи иши бўйича тинтувлар ўтказилди 29 мар, 12:39 70
  • Samsung ўз тарихидаги энг яхши селфи камерали смартфонни намойиш этди 29 мар, 12:12 43
  • Бўлимлар