«Замин»ни Telegram’да ўқинг! Join!
Zamin.uz
, 14 2020, 08:52
ЎЗO‘Z

Фуқарога “соқолтой” деб мурожаат қилган ППХ ходимининг лавозими пасайтирилди (видео)

11 ноя, 07:02 1 803 Жамият
«Замин»ни Telegram’да ўқинг!
Фуқарога “соқолтой” деб мурожаат қилган ППХ ходимининг лавозими пасайтирилди (видео) Ички ишлар вазирлиги ижтимоий тармоқларда тарқалган «ИИБ ходими соқол қўйган йигитни зўрлик билан бўлимга олиб кетмоқда» сарлавҳали мақолага муносабат билдирди.

Қашқадарё вилояти Ички ишлар бошқармасининг маълумотига кўра, ҳақиқатан ҳам жорий йилнинг 31 октябрь куни вилоят ИИБ Пост-патрул ва жамоат тартибини сақлаш бўлинмаси ходими сержант Х.Нормуродов белгиланган тақсимотга асосан Қарши шаҳридаги «Оқтепа файз барака» савдо мажмуаси (халқ орасида Орзу бозори деб номланади) ҳудудида жамоат тартибини сақлаш ва фуқаролар хавфсизлигини таъминлаш мақсадида хизматга жалб этилган.

Хизмат жараёнида, савдо мажмуаси ҳудудида ноқонуний валюта савдоси билан шуғулланганлигига гумон қилиб, Касби туманида яшовчи 1993 йилда туғилган Ф.Ахадовни ҳуқуқбузарлик содир этмаслиги тўғрисида оғзаки равишда огоҳлантириб, ушбу жойни тарк этиши ҳақида талаб қўйган. Ўз навбатида Ф.Ахадов ходимнинг сўзларига беписандлик қилганлиги оқибатида улар ўртасида тортишув юзага келган. Шундан сўнг Х.Нормуродов фуқарони шахсини аниқлаш мақсадида, уни, бозор ҳудудидаги таянч пунктига олиб бориш учун патрул автомашинасига миндирмоқчи бўлганида, Ф.Ахадов қаршилик кўрсатган. Айнан мана шу ҳолат видеотасвирда акс эттирилган.

Х.Нормуродов фуқаро Ф.Ахадовни автомашинанинг ҳуқуқбузарларни олиб юриш учун мўлжалланган орқа қисмига миндириб, ички ишлар органлари таянч пунктига олиб борган. У ерда Х.Нормуродов Ф.Ахадовнинг хатти-ҳаракатлари ноўринлигини, ички ишлар органлари ходимларининг қонуний талабларига бўйсуниши унинг бурчи эканлигини тушунтирган, шундан сўнг Ф.Ахадов Х.Нормуродовдан узр сўраб, бошқа бундай ҳолат қайтарилмаслигини таъкидлаган. Х.Нормуродов ўз навбатида фуқарони оғзаки огоҳлантириш билан чекланиб, ҳуқуқбузарлик ҳолатини хужжатлаштирмасдан Ф.Ахадовга жавоб берганлиги маълум бўлди.

Текширув жараёнида Х.Нормуродов фуқаро Ф.Ахадовни исмини билмаганлиги сабабли, унинг соқол қўйиб олганлиги учун унга нисбатан «соқолтой» деб мурожаат қилганлиги, диний эътиқоди бўйича таҳқирлаш мазмунида бирор бир гап айтмаганлиги, фуқаро Ф.Аҳадов ҳам буни тасдиқлаётганлиги аниқланган.

Хулосага кўра Х.Нормуродов фуқаролар билан мулоқот жараёнида касб маданиятини тамойилларини бузганлиги, ўзининг хатти-ҳаракатлари туфайли кенг жамоатчиликда ички ишлар органларининг фаолиятига нисбатан салбий фикр шаклланишига сабаб бўлганлигини инобатга олиб, интизомий жазо сифатида лавозимидан четлатилиб қуйи тизимга туширилган.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Тошкентда ёнида пневматик пистолет ва тропикамид олиб юрган шахс ушланди 23 фев, 16:43
  • Транспорт милицияси тузилмоқда 07 мар, 15:34
  • Ҳарбий пенсионерлар энди жамоат тартибини сақлашга жалб этилади 08 фев, 21:56
  • Ички ишлар тизимида 3 та янги лавозим жорий этилди 14 фев, 23:40
  • Нукусда отлиқ ва велосипедли патруль хизмати йўлга қўйилди 14 фев, 16:20
  • Ички ишлар вазирлиги тизимида янги тайинловлар 08 июл, 18:02
  • Сўнгги янгиликлар
  • Чиройли ҳуснихатга эга бўлиш сирлари 14 июл, 08:23 0
  • Дунёдаги вазият: янги антирекордлар ва умидсиз антитаналар 14 июл, 07:53 21
  • Путин хорижликларнинг Россия фуқаролигини олишини осонлаштирувчи қонунни имзолади 14 июл, 07:25 185
  • Тачмурод Агамуродов: "Пенальтига эътирозим бор" 14 июл, 06:57 130
  • Коронавирус: Ўзбекистонда кунлик ўсиш кўрсаткичи 600га яқинлашди 14 июл, 06:28 243
  • Андрей Канчельскис: "Айрим футболчилар ўзига ўхшамаяпти" 14 июл, 06:00 161
  • Тошкент вилоятида коронавирусга тест топшириш мумкин бўлган СЭО марказлари рўйхати эълон қилинди 14 июл, 00:23 357
  • Зарурат бўлса, яна қўшимча чекловлар эълон қилиниши мумкин – Адлия вазири ўринбосари 14 июл, 00:04 1 032
  • Тадқиқот: мактаблар қайта очилса, ўқувчилар асосий вирус тарқатувчи бўлмаслиги мумкин 13 июл, 23:44 928
  • Шота Арвеладзе: "Машарипов биз учун ҳам, ўзбек футболи учун ҳам катта ишлар қиляпти" 13 июл, 23:22 567
  • Миржалол Қосимов: "Замонавий футболни туриб ўйнаб бўлмайди" 13 июл, 23:12 548
  • Миллионерлар коронавирус сабабли ўзларига солинадиган солиқни оширишга чақиришди 13 июл, 22:43 613
  • Бўлимлар