«Замин»ни Telegram’да ўқинг! Join!
Zamin.uz
, 16 2020, 08:04
ЎЗO‘Z

Андижон вилоят ИИБга чақирилган 20 ёшли йигит ҳалигача уйига қайтиб келмаган

07 ноя, 15:00 2 628 Ўзбекистон
«Замин»ни Telegram’да ўқинг!
Андижон вилоят ИИБга чақирилган 20 ёшли йигит ҳалигача уйига қайтиб келмаган 2 ноябрь куни ижтимоий тармоқларда «Абдуллоҳ қаерда?» сарлавҳаси остидаги пост тарқалди. Унда Андижон вилоятининг Жалақудуқ туманида яшовчи фуқаро Дилмурод Тоҳировнинг 20 яшар ўғли Абдуллоҳни ИИБ ходимлари олиб кетиб, бир ҳафтадан буён дарагини бермаётганига оид фикрлар баён этилган. «Daryo.uz» нашри мазкур ҳолатга аниқлик киритиш мақсадида йўқолиб қолган йигитнинг отаси, оила ёллаган адвокат ва вилоят ИИБ расмийси билан суҳбатлашган.

Таҳририятга келган андижонлик Дилмурод Тоҳировнинг айтишича, ўғли Абдуллоҳ Тоҳировни оила аъзолари 26 октябрдан буён кўришмаган. Ҳатто фарзандининг айни пайтдаги аҳволи ва қаердалиги ҳам уларга ошкор этилмаяпти. Бу эса қариндош-уруғлар, маҳалла-кўйни ваҳимага солган.

«Жалақудуқ туманининг Юқори чигитр маҳалласида яшаймиз. Деҳқончилик билан шуғулланиб, тирикчилик қиламиз. Ўғлим Абдуллоҳ бу йил 20 ёшга тўлди. 2018 йил ноябрида маҳалладаги таниш-билишлар билан бирга Россияга ишлагани кетиб, шу йил май ойида қайтиб келди. Шу кунгача ўғлимнинг ортидан бирор ёмон гап эшитмаганман. Унинг хатти-ҳаракати ҳамиша назоратимда бўлган. 26 октябрь куни эрталаб соат чамаси 07:00 ларда ўғлим Қўрғонтепа ҳудудида Андижон—Қўрғонтепа йўналишидаги катта кўчада йўл-транспорт ҳодисаси содир этади. У қариндошимизнинг Lacetti русумли автомобилини ишончнома асосида бошқариб юрганди. Ҳодиса юз бергач, Абдуллоҳ тоғаси Исломбекка телефон қилиб, юз берган ҳодиса ҳақида маълум қилади. Кўнгилсиз воқеа содир этилишида ўғлим айбдорлиги боис тоғаси Исломбек Nexia-2’га етказилган зарарни қоплаб, шикастланган жойларини таъмирлатиб беришини айтади», — дейди Абдуллоҳнинг отаси.

Дилмурод Тоҳиров Боғишамол даҳасидаги эски машина бозорга яқин жойдаги устахонада Nexia-2’нинг орқа багажи очиқлиги учун унинг ичига ҳам бир назар солган ва у ерда VSF категориядаги давлат рақам белгиси борлигига кўзи тушган.

Бироздан сўнг Дилмурод Тоҳировнинг укаси Элмурод қўнғироқ қилиб, «Жалақудуқ туман ИИБдагилар ўғлингни олиб боришимизни сўрашяпти», деган. Кечки соат 18:00 да Абдуллоҳ туман ички ишлар бўлими томон отланган. Йўлда уларга Фаррух Юсупов исмли орган ходими алоқага чиқиб, унинг ҳамроҳлигида вилоят ИИБга боришлари кераклигини айтган. Учаласи Исломбекнинг автомобилида Андижон шаҳрига кетишади.

ИИБда Абдуллоҳнинг камерали телефонини тезда уйдан олиб келиш шартлиги айтилган. «Кечқурун соат 23:30да аёлим иккимизнинг ортимиздан 3—4 нафар орган вакиллари уйимизга келиб, тинтув ўтказишди. Ўғлимнинг телефони ва унинг ажралиб кетган қисмларини, унга қўшимча равишда кичкина компьютеримиз ва флешкани ҳам ўзлари билан олиб кетишди. Шу вақтда қайнукам машина устасига телефон қилиб, машина Андижон вилояти ИИБ Терроризмга қарши кураш бошқармаси бошлиғи, подполковник Қаҳрамон Эргашевники эканлигидан бохабар бўлдик», — дейди Дилмурод Тоҳиров.

Қаҳрамон Эргашев билан телефонда бир неча марта гаплашиб турдик. Ундан Абдуллоҳ қаердалигини сўрасак, «Бунинг автоҳалокатга алоқаси йўқ. Тошкентдан буйруқ бўлган ва Тошкентга олиб кетилди. Ўғлингиз Россиядалигида ‘нозик одамлар’ни сўкиб ёзган интернетда. Унга кўпи билан 15 сутка маъмурий қамоқ жазоси берилади. Ваҳима қилманглар, бугун чиқарворишса керак», деган фикрларни билдирди.

29 октябрь куни Дилмурод Тоҳиров Қаҳрамон Эргашев билан Андижон шаҳридаги кафелардан бирининг олдидаги кўчада учрашган.

«Абдуллоҳ 15 кунга қамалди, қарор чиқарилган, Тошкентдагилар билан гаплашиб турибман. Сизларга яна хабар берилади», деган. Қамалишининг сабабини сўрашганида, Исломбекнинг қулоғига паст овозда «юқори лавозимли амалдорлардан бирини сўкибди», дея жавоб қайтарган. Шундай буён Абдуллоҳ ҳақида бирор маълумот йўқ.

Абдуллоҳ Тоҳиров 15 суткалик жазони ўтаётгани тўғрисидаги хабарни текшириш учун Қўрғонтепа тумани ва Андижон шаҳридаги вақтинчалик сақлаш изоляторига мурожаат қилган, бироқ улар бундай шахс ушбу муассасаларга олиб келинмаганини таъкидлаган.

Жалақудуқ тумани ИИБ ва прокуратураси ҳам Абдуллоҳ Тоҳировга нисбатан иш очилмаганини билдирган. Кейин Тошкентга қайтиб келиб, Президент виртуал қабулхонаси, Бош прокуратура, ИИВ ва ДХХ раҳбарлари номига телеграмма юборилган, ариза ҳам ёзилган.

Суриштирув давомида Андижон вилояти ИИБ Терроризмга қарши кураш бошқармаси бошлиғи, подполковник Қаҳрамон Эргашев билан телефон орқали боғланилган. У «Ҳеч қанақа ҳолатлар (йўл транспорт ҳодисаси - таҳр.) бўлмаган. Машинам ўзимда, ҳайдаб юрибман. Қандайдир тушунмовчиликлар бўляпти, телефонлар масаласи бўйича арзимаган бир-иккита нарса бор. Яқинда ойдинлик киритамиз», — дея жавоб қайтарган.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Ўзбекистонда яна 7 та туман ИИБ бошлиқлари алмаштирилди 18 июл, 11:28
  • Шавкат Мирзиёев Андижон вилоятига келди 02 июн, 12:13
  • Тошкент вилоятининг бирданига 5 туманида ИИБ бошлиғи ўзгарди 22 апр, 14:47
  • Пахтаободдаги «Бахт уйи»нинг очилиш маросимида уч оила никоҳдан ўтди 21 ноя, 16:45
  • Дунёдаги энг кекса киши эканлиги айтилаётган ўзбекистонлик Ҳувайдо Умарова 121 ёшга тўлди 26 мая, 00:28
  • Бухоро туманида аёллар бепул тиббий кўрикдан ўтказилди 13 фев, 11:19
  • Сўнгги янгиликлар
  • Янги рекорд: Ўзбекистонда бир кунда 300дан ошиқ бемор тузалди 16 июл, 07:50 78
  • Футбол бўйича ЖЧ—2022 мусобақаси тақвими билан танишинг 16 июл, 07:25 88
  • Коронавирус жаҳон иқтисодиётига 8,3 триллион долларга тушди 16 июл, 06:56 114
  • Ўзбекистон Арманистон ва Озарбайжонни сабрли бўлиш ва музокараларга чақирди 16 июл, 06:27 223
  • Кўчада 24 йил турган «ГАЗ-53А» яна ҳаракатга келтирилди (видео) 16 июл, 06:00 212
  • АҚШ: Машҳур қўшиқчи Рианна ҳамда унинг дўстлари нега прокурорга мурожаат қилишди? 16 июл, 05:23 257
  • Буюк Британия ўзининг "тилла тухум қўювчи" хитойлик талабаларидан ажралиб қолишдан xaвотирдa... 16 июл, 04:27 405
  • 12 яшар келинчак: бир ойда икки марта турмушга чиқди... 16 июл, 03:00 1 475
  • Яна 4 ўлим қайд этилди. Ўзбекистонда коронавирус қурбонлари сони 70дан ошди 16 июл, 00:35 659
  • «Sulton Tex Group» Бош вазир ўринбосари Ўктам Барноев ва Қишлоқ хўжалиги вазири Жамшид Хўжаевни судга берди 16 июл, 00:27 671
  • Бош прокуратура соғ одамлардан «COVID-19’дан даволанди» деб катта харажатлар ёзилган ҳужжатларга имзо қўйдириш ҳолатларини ўрганади 16 июл, 00:16 692
  • Оптик иллюзия: Суратдаги бош қайси зебрага тегишли? 16 июл, 00:10 426
  • Бўлимлар