25 октябрь куни Ангрен шаҳар 5/5 даҳасида жойлашган сартарошхонада ишловчи Гули исмли 25 ёшли аёл ўзи билан бирга яшаб келган Зоҳид исмли танишини ўлдириб қўйди. Бу ҳақда MY5 телеканалининг «Марказий студия» ахборот дастурида хабар берилди.Гули ва Зоҳид тунги соат 02:00 ларда ўзаро жанжаллашиб қолишган. Бунинг оқибатида Гули 20 ёшли Зоҳиднинг чап кўкрак қафасига ошхона пичоғи билан бир маротаба уриб, уни қасддан ўлдирган.
Мазкур ҳолат юзасидан Ангрен шаҳар прокуратураси томонидан Гулига нисбатан Ўзбекистон Республикаси Жиноят кодексининг 97-моддаси («Қасддан одам ўлдириш») 1-қисми билан жиноят иши қўзғатилган.