Наманган вилоятидаги «Тўрақўрғон А.Т.» масъулияти чекланган жамият раҳбари «Агробанк» филиали бўлим бошлиғи билан тил бириктириб, салкам юз миллион сўмни талон-торож қилгани аниқланди. Бу ҳақда Бош прокуратура матбуот хизмати раҳбари Ҳаёт Шамсудинов хабар берди.Маълум бўлишича, «Тўрақўрғон» МЧЖнинг 1981 йилга туғилган Ғ.Т. исмли раҳбари «Агробанк» Тўрақўрғон филиалининг 1990 йилга туғилган Н.Э. исмли бўлими бошлиғи билан биргаликда 4 нафар фуқаронинг номига жами 99,2 миллион сўм кредит маблағларини иссиқхона қуриш мақсадида расмийлаштириб олган.
Мазкур ҳолат юзасидан Департаментнинг Тўрақўрғон тумани бўлими томонидан Жиноят кодексининг 167-моддаси («Ўзлаштириш ёки растрата йўли билан талон-торож қилиш») 2-қисми «б», «в» бандлари билан жиноят иши қўзғатилган.