Фото: «Dentarus.com»Ақл тиши — «саккизлик» қаторидаги саккизинчи тиш. Бизда улар 4 та бўлиб, 18 — 25 ёшларда милкларни ёриб чиқади. Баъзида умуман пайдо бўлмаслиги ёки ярми чиқиши ҳам мумкин. Ақл тишини нима учун олдириш керак деган саволга «Рамблер» жавоб берди.
Қарийб 80 фоиз ҳолатда ақл тишлари ёриб чиққанда йирингли-яллиғланувчи асоратга сабаб бўлади: бу инсон ҳаёти учун хавфли. Ёриб чиқаётган тиш устида шиллиқ қаватлардан иборат ўзига хос «капюшон» пайдо бўлади: у ерда тиш караши ва овқат қолдиқлари тўпланиб қолади. Оқибатда энг хавфли яллиғланишлардан бири — перикоронит келиб чиқади. Милкингизни кестиришингиз (капюшоннинг шиллиқ қаватини кесиб олиш ташлашингиз) мумкин, бироқ у тезда тикланади ва даволаш қийинлашади.
Ақл тиши ёриб чиққач, нохуш ҳислар пайдо бўлган заҳоти стоматологга мурожаат қилинг: у рентген қилиб, тишни олдиришга зарурат бор-йўқлигига аниқлик киритади.
Агар «саккизлик» нотўғри жойлашган бўлса, қўшни тишларга зарар етказади: уларни марказга силжитади. Бунинг оқибатида эса тишлам бузилиб, тиш қатори деформацияга учрайди.
Кўпинча ақл тишлари қатордаги аномал анатомик ҳолатга эга бўлиб, томоқ, тиш ва лунжга томон нотўғри ўса бошлайди. Натижада оғиз бўшлиғи зарарланади. Мунтазам шикастланишлардан пайдо бўлган яралар тузалишга улгурмайди ва бунинг оқибатида сурункали шиллиқ қават жароҳатлари келиб чиқади.
Ҳатто ақл тишлари текисланиши ҳам уларни олдирмаслик кераклигини англатмайди. Саккизлик жойлашуви уларни яхшилаб тозалашга йўл қўймайди: улар чайнаш жараёнида қатнашмайди ва овқат қолдиқлари уларнинг атрофида йиғилади. Оқибатда бу кариесни келтириб чиқаради. Агар ақл тишини олдирмасликка қарор қилган бўлсангиз, мунтазам стоматологга кўриниб, у ерда кариес бор-йўқлигини текшириб туринг. Дард бошқа тишларга ҳам тарқалиши мумкин.
Манба: Xabar.uz