«Замин»ни Telegram’да ўқинг! Join!
Zamin.uz
, 12 2020, 03:51
ЎЗO‘Z

Олий Мажлис депутати: “Тошкентга ишлагани келган вилоятликлар топган пулини фақат жарималарни тўлашга сарфлашмоқда”

23 окт, 12:12 1 823 Жамият
«Замин»ни Telegram’да ўқинг!
Олий Мажлис депутати: “Тошкентга ишлагани келган вилоятликлар топган пулини фақат жарималарни тўлашга сарфлашмоқда” 22 октябрь куни парламент қуйи палатасининг навбатдаги мажлисида Ўзбекистон ижтимоий-сиёсий ҳаётига доир бир қатор қонун лойиҳалари муҳокама қилинди.

Жумладан, «Аҳолини иш билан таъминлаш тўғрисида»ги қонун лойиҳаси депутатлар ўртасида турли баҳс-мунозараларни келтириб чиқарди, деб хабар берди Kun.uz нашри.

Депутат Расул Кушербаев фикрича, қонун лойиҳасида аҳолини иш билан таъминлашдаги ҳозирги реал муаммолар тўла акс этмаган. Шу боис у Бандлик ва меҳнат муносабатлари вазири Нозим Ҳусановга айрим фикрлар билан мурожаат қилди.

«Жаноб вазир, 12 сентябрь куни номзодингизни Бандлик ва меҳнат муносабатлари вазири лавозимига маъқуллашдан аввал сизга Маъмурий жавобгарлик тўғрисидаги кодекснинг 223-моддаси (Паспорт тизими қоидаларини бузиш-таҳ.) бўйича жойларда жуда кўп муаммолар йиғилиб қолгани, бу йўналишда аҳолининг давлатга ва қонунларга бўлган салбий фикри сақланиб қолаётгани ҳамда эндиликда мавжуд ҳолатни яхшилаш учун нима иш қилмоқчисиз, дея савол бергандим.

Сиз эса вазирликда қиладиган биринчи ишингиз шу йўналишда бўлишини айтгандингиз.
Мана, аҳолини иш билан таъминлаш йўналишида янги қонун қабул қилинмоқда, лекин унда ҳолатни тузатиш мақсадида ёзилган бирор жумлани тополмадим.

Қайтараман, ҳар куни айнан шу модда асос қилиниб, республиканинг турли ҳудудларидан Тошкентга иш излаб келган юзлаб кишилар автобусларни тўлдириб ИИБ бўлимларига олиб келинади ва жаримага тортилади. Улар ишлаган пулини фақат жарималарни тўлашга сарфлашмоқда.

Биз улар учун амал қилиш деярли имконсиз бўлган қонунларни яратиб қўйганмиз. Тасаввур қилинг, Тошкентга иш излаб келган фуқаро турар-жой топиши, маълум тўловлар эвазига рўйхатдан ўтиши керак. Рўйхатдан ўтишнинг ўзи учун эса қанчадан-қанча ҳужжат тўлдиради.

Биз бир ҳудуддан иккинчи ҳудудга ишлаш мақсадида кўчиб ўтаётган фуқаролар учун янги, енгилроқ тизим қилишимиз керак, бизга янги ечим керак», – деди Расул Кушербаев.

Депутатнинг қўшимча қилишича, Маъмурий жавобгарлик тўғрисидаги кодекснинг 223-моддаси – фуқароларнинг эркинликларини чеклаш билан бирга, коррупцияга кенг йўл очиб, янгидан-янги қонунбузарликларга ҳуқуқий асос бўлиб қолмоқда.

«Айримлар бу модданинг бузилиши ва ундан келадиган жарима тушумларидан манфаатдор бўлиши мумкин.

Жаноб вазир, агар ҳақиқатда одамларни ўйласангиз, иккала вазирлик (Ички ишлар вазирлиги назарда тутилмоқда-таҳ.) энг аввало шу масалага ечим топинг», – деб таъкидлади Кушербаев.

Унинг сўзларини диққат билан эшитган Бандлик ва меҳнат муносабатлари вазири Нозим Ҳусанов бу масаланинг бугун муҳокамага қўйилган «Аҳолини иш билан таъминлаш тўғрисида»ги қонун билан эмас, бошқа бир қонун орқали тартибга солиниши кераклигини билдирди.

Қонун лойиҳаси учинчи ўқишдан кейин кўпчилик депутатлар овозига кўра қабул қилинди ва маъқуллаш учун Сенатга юбориладиган бўлди.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Кушербаев: «Ёлғон маълумотлар тарқатганлик учун жазо цензурани кучайтириши мумкин» 14 мар, 17:09
  • Ўзбекистонда бўлиш қоидаларини бузганлик учун жиноий жавобгарлик бекор қилинади 01 окт, 10:16
  • Мажбурий меҳнат учун жазо кучайтирилади 26 авг, 08:02
  • Тошкентда пропискасиз ишга жойлашиш тўғрисидаги қонун тасдиқланди 25 окт, 19:30
  • Прописка бўйича муҳим янгилик 28 сен, 17:47
  • Ўзбекистон ҳукуматида уруғ-аймоқчиликка чек қўйилади 21 июл, 16:54
  • Сўнгги янгиликлар
  • Хоразмда коронавирусдан илк ўлим ҳолати қайд этилди 12 июл, 00:33 172
  • Кунлик ўсиш бўйича антирекорд яна янгиланди 12 июл, 00:23 151
  • Уйда даволанаётган беморлар учун махсус мобил гуруҳларнинг вазифалари белгиланди 12 июл, 00:08 153
  • «Шифокорлар норасмий даромадга боғланиб қолган» — халқаро эксперт Ўзбекистон соғлиқни сақлаш тизими ҳақида 11 июл, 23:46 118
  • Олимлар пуллар инсонларга олдингидан кўра кўпроқ бахт олиб келишини аниқлади 11 июл, 23:26 227
  • Ўзбекистонда 12 июль куни об-ҳаво қандай бўлади? 11 июл, 23:05 341
  • Ўзбекистон халқ ҳофизи Маҳмуджон Тожибоев вафот этди 11 июл, 22:46 612
  • Учтепа туманида 2 тонна этил спиртини ноқонуний сотаётган шахслар ушланди 11 июл, 22:33 183
  • «Бутса олиш учун «мойка»да ишлардик». Қишлоқдан чиққан юлдуз – Отабек Шукуров ҳикояси 11 июл, 22:10 242
  • "Бунёдкор" собиқ мураббийи "Динамо" устозига айланди 11 июл, 21:45 268
  • «Тошкент-Термиз» автомобиль йўлига шовқин чиқарувчи чизиқлар чизилди 11 июл, 21:27 471
  • Афсонавий боксчи Майк Тайсон ота юрти қаердалигини аниқлади 11 июл, 21:10 1 424
  • Бўлимлар