Мадриднинг “Реал” клуби бош мураббийи Зинедин Зидан Ла Лиганинг 9-турида сафарда “Мальорка”га (0:1) учралган мағлубиятга изоҳ берди.“Биз учрашув аввалини жуда ёмон бошладик. Биринчи бўлим сўнгги эса биз истагандек кечди. Иккинчи бўлимни яхши бошласакда, вазиятларимизни самарали якунлай олмадик. Олдинга интилишда давом этамиз, мавсум давомида ҳали кўплаб ўйинлар бор ва улар биз учун муҳим.
Бизга қарши жуда яхши тайёргарликка эга жамоа майдонга тушди. Улар бундай ўйинлари билан сўнгги поғоналарда юришга лойиқ эмас. Бу бизга қимматга тушди. Майдонда устунлик қилдик, бироқ кўп имкониятлар ярата олмадик. Муаммо шундаки, жамоамиз ҳар уч кунда ўзининг қандай кучга эга эканлигини намойиш этиши лозим. Жорий мавсумда нимадир ютишни истасак, бизга барқарорлик лозим бўлади.
Йўқотишлар – бу баҳона эмас. Ҳамма ўйинчиларимиз ҳам жароҳат олгани йўқ. Майдонга тушаётган ҳар бир футболчи “Реал” ўйинчиси эканлигини ҳис қилиши ва буни исботлаши шарт”, деди қироллик клуби устози.