Мажбурий ижро бюросининг Косон тумани бўлими давлат ижрочиси М.Янгибоев иш юритувида бўлган алимент ундириш тўғрисидаги ижро ҳужжатига кўра ундирувчи С.Рахматуллаева фойдасига қарздор С.Субхоновдан бир нафар фарзандининг моддий таъминоти учун ¼ қисм миқдорида алимент ундириш белгиланган.
Ўтган давр мобайнида қарздор алимент пулларини ойма-ой тўлаб келган. МИБ Косон туман бўлими ходимлари томонидан маҳалла фаоллари иштирокида ўтказилган тарғибот ва тушунтириш ишлари олиб борилиши натижасида ижро ҳужжатидаги тарафлар яраштирилиб, ҳозирги кунда улар бир оила бўлиб яшамоқдалар.