Фуқаролик ишлари бўйича Избоскан туманлараро судининг 09.09.2011 йилдаги суд буйруғига асосан Пахтаобод туманида яшовчи қарздор А.Маджитовдан ундирувчи Г.Маджитовага 2 нафар вояга етмаган фарзандлари таъминоти учун алимент ундириш белгиланган.
Мажбурий ижро бюроси Пахтаобод туман бўлими давлат ижрочилари томонидан олиб борилган ижро ҳаракатлари ҳамда профилактик суҳбатлар натижасида ота ўзининг 2 нафар фарзанди моддий таъминоти учун 18 ёшга тўлгунга қадар ҳисобланган 47 млн. 500 минг сўмни 5000 АҚШ доллари кўринишида тўлаб берди. Шу билан алимент ундириш ҳақидаги ижро иши юритуви тамомланди.