Фото: APХитой етакчиси Си Цзиньпин республика ташкил топганлигининг 70 йиллиги муносабати билан ўтказилган тантанали маросимда дунёдаги бирорта давлат хитой миллатининг ривожланишини тўхтата олмаслигини маълум қилди, деб хабар беради Kun.uz нашри.
«Дунёда ушбу буюк давлатнинг асосини қимирлата оладиган бирорта куч мавжуд эмас. Ҳеч қандай куч хитой миллатининг олдинга ҳаракатини тўхтатиб тура олмайди», — дейди Тяньаньмэнь майдонида сўзга чиққан Си Цзиньпин.
Унинг қўшимча қилишича, хитой халқи 70 йил ичида ўз куч-ғайрати сабаб муваффақиятга эриша олган.
Хитой раисининг сўзларига кўра, Хитой тинчлик йўлида ривожлантиш ва очиқлик сиёсатини давом эттиради. Шу билан бирга Си Цзиньпин Хитой армияси ва қуролли полицияси мамлакат суверенитети ва манфаатларини қатъий ҳимоя қилишини маълум қилди.
Хитой Халқ Республикасига 1949 йилнинг 1 октябрида асос солинган. Бугун ушбу санага 70 йил тўлиши муносабати билан Пекинда тантанали тадбир бўлиб ўтмоқда.