Бугун Екатеринбургда ўтаётган жаҳон чемпионатининг финал баҳслари бўлиб ўтмоқда. -52 кг вазн тоифасида юртимиз шарафини ҳимоя қилган Шаҳобиддин Зоиров ҳал қилувчи жангда ҳиндистонлик Амитга қарши рингга кўтарилди. Қизиқарли тарзда кечган баҳс якунида ҳакамлар бир овоздан боксчимизнинг ғалабасини қайд этишди.
Шу тариқа, Рио олимпиадасида ғолиб чиққан Зоиров жаҳон биринчилигида ҳам олтин медални қўлга киритди. Маълумот учун олдинда бизни Миразизбек Мирзаҳалилов, Дилшодбек Рўзметов ва Баҳодир Жалолов иштирокидаги финаллар кутиб турибди.