Фото: «7news.kg»Беларусь президенти Александр Лукашенко ўзининг Tesla электромобилининг пайдо бўлиш тарихини сўзлаб берди. Унинг мактаб ўқувчилари билан суҳбатидан парча СТВ телеканалида намойиш этилди, деб хабар бермоқда «Дарё».
Менда Tesla электромобили бор. Мен уни баъзан синаб кўраман. Маск совға қилган.
Лекин айнан қайси модел унга тегишли эканини айтмаган.
Лукашенко 2017 йилда Беларусь йўлларида Tesla’ни синовдан ўтказган. Президент автомобиль хусусиятларини юқори баҳолаб, «у космик кема каби старт олиши, ҳатто ундан ҳам тезроқ»лигини таъкидлаган. Тест-драйвдан сўнг у Беларусь муҳандисларига шундай машина ишлаб чиқиш ҳақида кўрсатма берган.
Александр Лукашенко 2016 йилнинг апрель ойида мамлакат расмийларига фақат маҳаллий ишлаб чиқарилган транспорт воситаларини сотиб олишни буюрган. Фақат ўзи, бош вазир ва бошқа юқори лавозимли мансабдорларни бундан мустасно қилган.
Фото: «BelTA»