Янги ўқув йили олдидан бир нечта проректор, декан ва бошқа масъуллар ишдан олинган.Бу ҳақда Самарқанд давлат чет тиллари институти саҳифасида
маълум қилинди.
Унга кўра, институтдаги илмий кенгаш йиғилишида қуйидагилар таъкидланган:
— Олий ва ўрта махсус таълим вазирлиги томонидан 2019-2020 ўқув йили бошланиши олдидан йўл қўйган камчиликлари учун қатор олий таълим муассасаларининг юқори ва ўрта бўғин раҳбарларига нисбатан қатъий чоралар кўрилганлиги;
— Тошкент давлат иқтисодиёт университетининг 3 нафар, шу жумладан, ўқув ишлари, ёшлар билан ишлаш ҳамда илмий ишлар ва инновациялар бўйича проректорлари ўз хизмат вазифасига совуққонлик билан муносабатда бўлгани учун эгаллаб турган лавозимларидан озод этилганлиги;
— Тошкент молия институтининг 3 нафар, шу жумладан, ўқув ишлари, ёшлар билан ишлаш ҳамда илмий ишлар ва инновациялар бўйича проректорлари, шунингдек, мазкур олий таълим муассасаларининг 1 нафар факултет декани, 2 нафар кафедра мудирлари, 7 нафар бўлим бошлиқлари, 9 нафар декан ўринбосарлари ўз вазифасига совуққонлик билан қарагани сабабли эгаллаб турган лавозимларидан озод этилганлиги кабилар.