Фото: «Prosports.kz»Супероғир вазнда собиқ жаҳон чемпиони Тайсон Фьюри WBA, IBF ва WBO йўналишлари чемпиони Энди Руисга қарши потенциал жанг олдидан ўз фикрлари билан ўртоқлашди, деб хабар берди «Prosports.kz».
«Ҳаётда нималар кутиб турганини ҳеч қачон билмайсан, — дейди Фьюри Руис билан эҳтимолий жанг юзасидан. — Бироқ бир нарсани аниқ айтишим мумкин: мен мухлисларга Руисни бир қўлим билан уришим учун қайси қўлимни орқага олиб туришимни танлаши учун изн бераман. Чунки уни енгиш учун менга бир қўлим ҳам етади».
Эслатиб ўтамиз, 14 сентябрь куни Невада штати, Лас-Вегасдаги «T-Mobile» аренасида 31 ёшли Фьюри Отто Уаллинга қарши жанг ўтказади.
Руисга келадиган бўлсак, чемпион 7 декабрь куни супероғир вазнда собиқ чемпион Энтони Жошуага қарши жанг олиб боради.