Қозоғистон аҳолиси 1 июлда 18 млн 507,9 минг кишини ташкил этиб, 2018 йил 1 июлига нисбатан 235,5 минг кишига ёки 1,3 фоизга кўпайган. Бу ҳақда “Казинформ” ахборот агентлиги хабар берди. Шаҳарлар аҳолиси 10 млн 816,6 минг киши ёки умумий аҳолининг 58,2 фоизини, қишлоқ аҳолиси 7 млн 726,3 минг кишини (41,8 фоиз) ташкил қилган.
Жорий йилнинг январь-июнь ойларида Қозоғистонга келганлар сони 2018 йилнинг шу даврига нисбатан 11,3 фоизга камайган, чиқиб кетганлар сони 16,9 фоизга кўпайган. Асосий миграция айирбошлашуви МДҲ давлатлари билан юз бериб, Ҳамдўстлик давлатларидан Қозоғистонга келганлар улуши 82 фоизни, чиқиб кетганлар улуши 90,6 фоизни ташкил қилган.