Жорий йилнинг 3 август куни тахминан соат 6:30да Тошкент шаҳар Яккасарой тумани Муқимий кўчасида 27 ёшли Абдуқодир И. ва 25 ёшли Сагдиана Р. жамоат жойида 23 ёшли Насибахон Й.га ҳужум қилиб, унга тан шикастлари етказишган. Пойтахт ИИББ матбуот хизматига кўра, натижада жабрланувчи тиббий ёрдам учун мурожаат қилган. Ўтказилган тадбирлар давомида Абдуқодир И. ва Сагдиана Р.лар пойтахт ИИББ ходимлари томонидан қўлга олиндилар.
Ушбу факт асосида Ўзбекистон Республикаси Жиноят кодексининг 277-моддаси 2-қисми ("Безорилик") бўйича жиноий иш қўзғатилди.