Давлат тест маркази 8 август кунги тест натижаларини эълон қилди. Унга кўра, бакалавриат таълим йўналишлари бўйича энг юқори баллар:
а) кундузги таълим шакли бўйича:Tошкент давлат ўзбек тили ва адабиёти университетининг 5120101 – Филология ва тилларни ўқитиш: ўзбек тили таълим йўналиши – 238,6 балл (184,6 балл тест синовлари натижаси, 54 балл касбий (ижодий) имтиҳон натижаси);
Tошкент давлат юридик университетининг 5240100 – Юриспруденсия таълим йўналиши – 189,0 балл;
б) сиртқи таълим шакли бўйича:Tошкент давлат ўзбек тили ва адабиёти университетининг 5111200 – Ўзбек тили ва адабиёти таълим йўналиши – 197,0 балл (155,0 балл тест синовлари натижаси, 42 балл касбий (ижодий) имтиҳон натижаси);
Ўзбекистон Mиллий университетининг 5120300 – Tарих (мамлакатлар ва минтақалар) таълим йўналиши – 169,7 балл;
в) кечки таълим шакли бўйича:Tошкент давлат шарқшунослик институтининг 5120700 – Жаҳон сиёсати (минтақалар бўйича) таълим йўналиши – 174,3 балл.
Кеча ва аввалги куни тест топширганлар ўз балларини cabinet.dtm.uz сайти орқали шахсий кабинетларига кириб текшириб олишлари мумкин. Бунинг учун паспорт серияси ёки ID кодни киритиш кифоя.