7 август, чоршанба куни саот 23:55 да Миробод тумани Саракул ва Янги Замон кўчалари чорраҳасида йўл-транспорт ҳодисаси рўй берди, дея хабар берди Тошкент шаҳар ички ишлар бошқармаси.
29 ёшли Фарҳод М. бошқарган Lacetti русумли автомобиль 24 ёшли Алишер У. бошқариб борган Nexia русумли автомобиль билан тўқнашган. ЙТҲ натижасида Lacetti ҳайдовчиси ва унинг йўловчиси бўлган 50 ёшли отасига тан шикастлари етган бўлиб, улар тиббий ёрдам учун мурожаат қилган.
Lacetti ҳайдовчиси чорраҳада ўтиш ҳуқуқи бўлган Nexia русумли автомобилни ўтказиб юбормагани оқибатида ЙТҲ содир бўлган.