«Замин»ни Telegram’да ўқинг! Join!
Zamin.uz
, 17 2021, 01:53
ЎЗO‘Z

Самарқанд вилоятининг собиқ ҳокими Туробжон Жўраев ва бошқа мулозимларга суд ҳукми ўқилди

02 авг, 22:10 2 521 Жамият
«Замин»ни Telegram’да ўқинг!
Самарқанд вилоятининг собиқ ҳокими Туробжон Жўраев ва бошқа мулозимларга суд ҳукми ўқилди Жиноят ишлари бўйича Тошкент вилояти судининг 2 август куни бўлиб ўтган ёпиқ суд мажлисида Самарқанд вилоятининг собиқ ҳокими Туробжон Жўраев ва унинг шерикларига нисбатан суд ҳукми ўқилган. Бу ҳақда Kun.uz нашри маълум қилмоқда.

Манба маълумотига кўра, Т.Жўраев Ўзбекистон Республикаси Жиноят кодексининг 167- («ўзлаштириш ёки растрата йўли билан талон-торож қилиш»), 206- («ҳокимият ёки мансаб ваколати доирасидан чиқиш»), 210- («пора олиш») ва 243- («жиноий фаолиятдан олинган даромадларни легаллаштириш») моддалари билан айбдор деб топилган ҳамда 13 йилга озодликдан маҳрум этилган.

Т.Жўраевнинг ўринбосари Ўткир Абдуллаев ЖКнинг 210-моддаси билан айбдор деб топилиб 10 йилга, вилоят ҳокимлиги бош мутахассиси Баҳодир Хўжақулов ЖКнинг 206-, 210-, 243-моддалари билан айбланиб 7 йилга, мутахассис Ботир Абдуллаев ЖКнинг 210- ва 243-моддалар билан 7 йилга қамалган бўлса, Тўлқин Сулаймоновга 210- ва 243-моддалар билан билан 5 йилга озодликдан чеклаш жазоси ҳамда энг кам иш ҳақининг 300 баробари миқдоридаги жарима тайинланган.

Kun.uz маълумотига кўра суднинг якуний ҳукми эълон қилингунга қадар озодликда юрган Ў.Абдуллаев бугун суд залидан қамоққа олинган.

Маълумотларга кўра, тергов материалларида «Жиноий гуруҳ раҳбари» дея кўрсатилган Туробжон Жўраев Самарқанд шаҳрида кўп қаватли турар жойлар қуриш учун пудратчилардан жами 2 млн 140 минг АҚШ доллари миқдорида пора олган.

Эслатиб ўтамиз, 2018 йилнинг 13 июлида Ўзбекистон Республикаси Бош прокуратурасининг «Фейсбук»даги саҳифасида ҳуқуқни муҳофаза қилувчи органлар йирик коррупцион схемага чек қўйгани ҳақидаги лавҳа эълон қилинган эди.

2018 йил 24 декабрда Самарқанд вилояти собиқ ҳокими Туробжон Жўраевга нисбатан тергов якунланиб, иш судга оширилгани хабар қилинган эди.

Ўз вақтида Ўзбекистон Республикаси Халқ таълими вазири лавозимида ишлаган Туробжон Жўраев Сурхондарё ва Қашқадарё вилоятларига ҳам раҳбарлик қилган. 2008 йилдан 2011 йилгача у Сурхондарё вилояти ҳокими бўлган. 2011 йилда уни қўшни Қашқадарё вилоятига ўтказишган.

2013 йилнинг сентябрида Ўзбекистоннинг биринчи президенти И.Каримов Т.Жўраевнинг фаолиятини кескин танқид остига олиб, уни Қашқадарё вилояти ҳокими лавозимидан бўшатган эди.

Шундан сўнг Т.Жўраев узоқ вақт раҳбарлик лавозимида ишламаган. Ўшандаёқ у коррупция ва порахўрликда айбланган эди. Бироқ, 2017 йилнинг апрелида Т.Жўраев Тошкент вилоятининг Бекобод туман ҳокими лавозимига тайинланди.

Орадан бир ойча вақт ўтгач, 2017 йилнинг июнида унга Ўзбекистоннинг ташриф қоғози бўлмиш Самарқанд вилояти раҳбарлиги ишониб топширилди. Туробжон Жўраев вилоятда таниш-билишчилик ўрнатиб, пул таъма қилишни бошлаб юборган. Тергов давомида Туробжон Жўраевнинг ўзи ҳеч нарсани рад этмаган. Самарқанд вилояти ҳокимининг ўринбосари Ўткир Абдуллаев ва ҳокимликнинг яна икки ходими қурилишга оид турли фирибгарликларда иштирок этишган.



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Самарқанд вилоят почтасининг катта пора билан ушланган собиқ раҳбари 12 йилга қамалди 21 июн, 23:27
  • Ўзбекистонда 2018 йилда жиноий жавобгарликка тортилган мансабдор шахслар 06 янв, 17:30
  • Самарқанд вилоятининг собиқ ҳокими Туробжон Жўраевнинг иши судга оширилди 24 дек, 18:06
  • Аёл кишини таҳқирлаган собиқ ИИБ ходимига нисбатан суд ҳукми ўқилди 21 ноя, 18:30
  • Самарқанд вилояти ҳокимининг ўринбосари Ўткир Абдуллаев ишдан олинди 28 июл, 08:03
  • Туробжон Жўраев билан бирга ҳибсга олинган ўринбосари ҳокимликдаги вазифасига қайтди 15 июл, 17:20
  • Сўнгги янгиликлар
  • Президент Чилонзор ҳокими ёлвориб вазифаларни бажаришга ваъда бергани учун уни ишдан бўшатмаганини айтди 17 янв, 00:23 3
  • Россияда пломбалари олинмаган 26 йиллик «Жигули» янги BMW Х3 нархида сотувга қўйилди (фото) 16 янв, 23:50 90
  • B12 витамини етишмаслигининг кўзга ташланмайдиган белгиси маълум бўлди 16 янв, 23:15 233
  • Элдор Шомуродов энг зўр мураббий кимлигини айтди 16 янв, 22:48 273
  • Питер Хюистра: Янги футболчилар келади, аммо... 16 янв, 22:22 498
  • Элдор Шомуродов «Женоа»даги муваффақиятли старт ҳақида: «Мен эндигина йўлнинг бошидаман» 16 янв, 21:50 563
  • «Қизим, сенга айтаман, келиним, сен эшит» — Жисмоний тарбия ва спорт вазирлиги антиқа баёнот берди 16 янв, 21:21 848
  • Павел Дуров 30 миллиардлик сармояни рад этди 16 янв, 21:00 324
  • «Қамчиқ» довонида «Mercedes-Benz» ёниб кетди (фото) 16 янв, 20:30 275
  • Лукашенко: «Ўтган йил бизларга ниқоб тақди, бироқ айримларнинг юзидаги ниқобни сидириб ташлади» 16 янв, 20:00 303
  • Отабеков: “COVID-19 нинг янги штамми одамларни хавотирга соляпти – у болаларда кўп учрамоқда” 16 янв, 19:24 676
  • Қурилиш вазири соҳадаги коррупцион схема ҳақида гапирди 16 янв, 18:48 520
  • Бўлимлар