Маълумки, айрим солиқ тўловчиларимиз томонидан қайд этилган солиқ ва бошқа мажбурий тўловларни ўз вақтида амалга оширмаганликлари оқибатида катта миқдордаги қарздорликлар вужудга келмоқда. Ўз навюатида Мажбурий ижро бюроси ходимлари томонидан мавжуд солиқ қарзини мажбурий ундириш чоралари ҳам кўрилмоқда.
Гулистон шаҳар иқтисодий судининг қарздор "STAR BIRDS" МЧЖдан ундирувчи Гулистон шаҳар Давлат солиқ инспекцияси фойдасига 280 млн. сўм солиқ қарзини ундириш тўғрисидаги ижро ҳужжати Бюронинг Гулистон шаҳар бўлими иш юритувига келиб тушган ва ижро иши юритишни қўзғатиш тўғрисида қарор қабул қилинган.
Мазкур ижро ҳужжати ижросини таъминлаш мақсадида қарздорга тегишли бўлган бир дона “HYUNDAI” русумли юк автотранспорт воситаси хатланди. Хатланган автомашина онлайн сотувга чикариш учун 325 млн. 579 минг сўмга бахоланганди. Қарздор “Star-Birds” МЧЖ 280 млн. 454 минг сўм қарздорлигини автомашина сотувга чиқарилмасдан тўлиқ қоплади.
Худди шунингдек, Бюро давлат ижрочилари томонидан "ANT konstruksion" МЧЖдан 5 млн. 647 минг сўмлик солиқ қарздорлиги эвазига жамиятга тегишли "Nexia" русумли енгил автомашинаси хатланди.