Тошкент вилояти ички ишлар бош бошқармаси Бўстонлиқ туманига ташриф буюраётган кўп сонли фуқароларни мазмунли ҳордиқ олишлари учун ҳар томонлама хавфсизликни таъминлаш ва хизмат кўрсатиш сифатини ошириш мақсадида қўшимча ички ишлар органлари хизматларини кучайтиради. Бу ҳақда вилоят ИИББ Матбуот хизмати хабар бермоқда.Туманга элтувчи йўллар, дам олиш масканлари ва чорбоғ зонасининг марказий қисмларига қўшимча шахсий таркиб бириктирилиб, кундузги ва тунги вақтларда фуқаролар хавфсизлиги учун хизмат кўсатиш сифати оширилади.
“Бўстонлиқ туманида ички ишлар органлари хизматларининг кучайтирилиши, ташриф буюраётган кўп сонли меҳмонларни тинчлик ва хавфсизликда, мазмунли ҳордиқ олишлари ҳамда уларнинг мурожаатлари бўйича жойида тезкор ва манзилли ечим топишга хизмат қилади”, дейилади хабарда.