Тошкент шаҳрининг Учтепа туманидаги “Ўткир” маҳалласида туманда биринчи бўлиб Street workout спорт майдончаси фойдаланишга топширилди.Шунингдек, “Ўткир” маҳалласида ёшлар маънавиятини юксалтириш, улар ўртасида китобхонликни кенг тарғиб қилиш бўйича китобхонлик тўгараги ташкил этилди.
Маҳалладаги болалар бўш вақтларида келиб, ўзлари хоҳлаган китобларини мутолаа қилишлари мумкин.
Street workout нима? Бу кўчада ўз танангизни ривожлантириш бўйича машқлар. Деярли ҳар бир нарсани снарядлар ва тренажёрлар сифатида ишлатиш мумкин: бруслардан бошлаб бошқа машқ қилинувчи «воркаутер»гача.
Учтепа тумани ҳокимлиги матбуот хизмати хабарига кўра, тез орада туман ҳудудида street workout билан шуғулланиш учун 20та майдонча барпо этилади.