ЎФА ҳамда ЎзПФЛ Суперлига футбол клублари учун тақвимда енгиллик яратиш мақсадида бир қатор ўзгаришларни амалга оширди. Бунда мамлакат миллий ҳамда олимпия терма жамоалари мураббийлар штабининг режалари ҳамда Суперлига футбол клубларининг чемпионатдаги иштироклари инобатга олинган.
Мавсум 30 ноябрь куни ўтказиладиган Лига кубогининг финал учрашуви билан ўз якунига етади. Чемпионатнинг сўнгги тур беллашувлари эса 27 ноябрь кунига белгиланган.
Эътибор берилса, Суперлигада сўнгги икки тур учрашувлари бир кунда ва бир вақтда бўлиб ўтади. Тақвимда бўш кунлар ҳам бўлиб, Ўзбекистон кубоги ва Лига кубоги беллашувларида қайси жамоаларнинг навбатдаги босқичга йўлланма олишларига қараб, мазкур жамоаларга қулайлик яратиш мақсадида баъзи ўзгаришлар бўлиши мумкин.