Суперлига 13-туридан ўрин олган "Насаф" ҳамда "Сурхон" жамоалари ўртасидаги (2:0) ўйиндан сўнг термизликлар устози Бахтиёр Ашурматов учрашув борасидаги ўз фикрларини билдириб ўтди."Насаф" кучли жамоа. Улар бугун яхши ўйин кўрсатишди ва ҳақли ғалабага эришди. Уларни ғалаба билан табриклайман. Дарвозабонга биринчи ёрдам кўрсатишди. Асилбек Амонов ҳужумчи билан курашда жароҳатланди. Унинг жароҳати қай даражада жиддий эканлигини таҳлиллар чиққач билиб оламиз.
Мағлубиятда сабаб изламайман. Футболчи алмаштиришда хатога йўл қўйдим. Захирамиз тор, шу боис давралар оралиғида жамоага янги футболчиларни жалб этмоқчимиз. Мендан олдин жамоада ишлаб кетган мурббийларга раҳмат айтмоқчиман. Чунки жамоани 3-ўринда қабул қилиб олдим. Бу яхши натижа. Раҳбарият олдимизга шу ўриндан тушиб кетмасликни вазифа қилиб қўйган. Жамоани кучайтириш устида ишлаймиз. Мавсум сўнггида 3-ўринни олишимизга ишонамиз. Биз бу борада "Насаф" ва "Навбаҳор" билан курашамиз", - деди Ашурматов.