Baza телеграм-канали тарқатган хабарга кўра асли ўзбекистонлик бўлган миллиардер “Арсенал”га 600 миллион рубль (9,5 млн доллар) ҳадя қилган. Ушбу хабарни ҳатто Усмоновнинг вакиллари ҳам тасдиқлашди.
Маълумотларга қараганда тулаликлар раҳбарияти жамоанинг Европа лигасида иштирок этиши боис Усмоновга молиявий кўмак сўраб мурожаат қилишган.
Маълумот учун, “Арсенал” ўтган мавсум Россия премьер-лигасида 6-ўринни эгаллади. Энди улар УЕФА Европа лигасининг 2-саралаш босқичидан курашга қўшилишади.
Эслатиб ўтамиз, бундан аввалроқ Алишер Усмонов Москванинг ЦСКА клубига "Эвертон" футболчисини олиб келишда ҳам кўмак бергани ҳақида хабар берилган эди.