Бугун, 26 июнь куни «Сурхон» бош мураббийи Андрей Микляев ўз аризасига кўра лавозимидан озод этилди.«Андрей Геннадиевич «Сурхон» футбол клубида бошқа лавозимни эгаллайди. Унинг айнан қайси лавозимни эгаллаши тез кунларда эълон қилинади», – дейилади клуб матбуот хизмати хабарида.
Қўшимча қилинишича, янги бош мураббий ким бўлиши тез орада эълон қилинади.
Эслатиб ўтамиз, мавсум бошида Термиз клубига Илҳом Мўминжонов бош мураббий бўлган, аммо у ЎФА томонидан 1 йилга дисквалификация қилингач, ўрнини вақтинчалик Анвар Солиев эгаллаганди. Бироз вақт ўтиб, Солиев спорт директори лавозимига ўтиб, Микляев бош мураббий этиб тайинланган эди.
«Сурхон» клуби Суперлигада 12-турдан кейин 3-ўринни эгаллаб турибди.