Бугун, 8 июнь куни кузатилган кучли шамол натижасида Тошкентнинг Олмазор туманидаги яқинда ёпиб битказилган кўп қаватли уйнинг томи кўчиб тушиб кетган.Kun.uz нашри томонидан ҳавола қилинган видеолавҳада Олмазор тумани Қорақамиш 2/4 мавзесидаги кўп қаватли уйнинг профнастил қопланган томи тўлиқ кўчиб тушгани ва пастда турган автомобилларга ҳамда дарахтларга жиддий зарар етказгани кўринади.
Маълум қилинишича, томни ёпиш ишлари сифатсиз бажарилгани, профнастил ва рейкалар уй бетонларига мустаҳкам қотирилмагани туфайли қурилма қисқа муддат ичида яроқсиз ҳолга келган ва қулаб тушган.
Ҳозирча жабрланганлар тўғрисида маълумотлар йўқ.