“Барселона” футбол жамоаси ҳужумчиси Лионель Месси, Европанинг бошқа гранд жамоаларидан қизиқиш бўлаётганига қарамай, Каталония клубидан кетмоқчи эмас. Бу ҳақда El Mundo Deportivo'га асосланиб Kun.uz хабар бермоқда .
Шунингдек, Лондоннинг “Челси” жамоаси ҳам Мессини ўз таркибига қўшиб олиш истагини билдирган. Маълумот учун, Мессини ўз таркибида кўрмоқчи бўлган жамоа “Барселона” ҳисобига 250 миллион евро ўтказиб қўйиши керак.
Аввалроқ, Месси “Челси”га ўтиш ҳақида ўйлаётгани тўғрисида хабарлар пайдо бўлган, бироқ кейинчалик футболчининг ўзи бу хабарларни рад этиб чиққанди.
Шунингдек, “Барселона” Мессини 2016 йилда сотишга тайёрлиги ҳақида ҳам ахборот пайдо бўлганди.