“Насаф” – “Локомотив” учрашувидан сўнг меҳмонлар устози Андрей Фёдоров қуйидагича фикр билдириб ўтди: - “Локомотив” жамоаси ишқибозларини бугунги ғалаба билан табриклайман. Ўйин қийин бўлишини билар эдик. Зеро “Насаф” таркибида ёшлар кўп бўлса-да, тартибли ва мазмунли ўйин намойиш этадиган жамоа. Кутганимиздек, баҳс анча мураккаб кечди. Бугун биз учун энг муҳими – ғалаба қозониш эди. Мана якунда 3 очкога эга чиқдик ва энди уйга яхши кайфиятда йўл оламиз, - деди мутахассис.
- Ўйин олдидан "Локомотив" атрофида Самвел Бабаян мураббий бўлиши ҳақида хабарлар тарқалган эди. Бу жамоанинг ўйинига қай даражада таъсир қилди?
- Йўқ, биз одатдаги тартибда шуғулланишда давом этдик. Мураббийнинг тақдири шундай. Бугун таклиф этишади, эртага истеъфога чиқаришади. Аммо бу нарса таъсир этгани йўқ.
- Шуҳрат Муҳаммадиевнинг аҳволи қандай?
- Биз уни узоқ муддатга йўқотдик. Суякнинг очиқ синиши рўй берган.
- "Локомотив"нинг олдига қандай вазифалар қўйилган?
- Чемпионлик, "Локо"нинг олдига бошқача мақсад қўйилмаган.
Шаҳзод Холбоев ёзиб олди
Манба: Sports.uz