Юртимизда ривожланишнинг барқарор ўсиш суръатларини таъминлаш ҳамда аҳоли фаровонлигини оширишда ва камчиликларни бартараф қилиш, ажралиш ёқасида турган, ёш гўдакларнинг кўз ёшига арзимайдиган ишларни қилишга ҳам тайёр оилаларни яраштириш учун барча чора тадбирлар кўрилмоқда. Шу ўринда, Мажбурий ижро бюроси Нурота туман бўлими ходимлари томонидан олиб борилган тарғибот-ташвиқот ишлари натижасида 2019 йилнинг ўтган даврида жами 16 нафар ёш оиланинг яраштирилишига эришилди.
Жумладан, Фуқаролик ишлари бўйича Кармана туманлараро судининг 04.07.2016 йилдаги қарорига кўра қарздор С.Ҳамроевдан ундирувчи Г.Джулаева фойдасига бир нафар фарзандининг моддий таъминоти учун ойлик иш ҳақининг ¼ қисми миқдорида алимент ундириш белгиланган эди. Йиллар давомида С.Хамроев ва Г.Джулиева алоҳида яшасада бошқа турмуш қурмаган.
Мажбурий ижро бюроси ходимлари томонидан олиб борилган тарғибот-ташвиқот ишлари натижасида мазкур оиланинг яраштирилишига эришилди.
Шунингдек, Фуқаролик ишлари бўйича Зарафшон туманлараро судининг 27.09.2016 йилдаги қарорига кўра, қарздор О.Чилиевдан ундирувчи Л.Шодиева фойдасига бир нафар фарзандининг моддий таъминоти учун ойлик иш ҳақининг ¼ қисми миқдорида алимент ундириш белгиланган бўлиб, ушбу алимент пулларини ундириш жараёнида бўлим ходимлари томонидан олиб борилган тарғибот-ташвиқот ишлари ўз самарасини берди ва ёш оила қайта тикланди.
Худди шу каби, суднинг қарорига кўра, алимент тўлаш белгиланган Х.Шокиров билан М.Каримоваларнинг, У.Ишпўлатов билан Г.Сагатова, Ф.Камолов билан Г.Ризоеваларнинг ижро ишлари бўйича ҳам бўлим ходимлари томонидан олиб борилган яраштириш тарғибот-ташвиқот ишлари натижасида, мазкур оилалар ярашишди ҳамда ундирувчилардан алиментни бекор қилиш тўғрисида аризалар олиниб, ижро ҳужжатини тугатиш учун тегишли судларга юборилди.