Москваликлар ва шаҳар меҳмонлари учун 2 январдан 11 январгача бўлган кунлар давомида шаҳардаги 80дан ортиқ музейлар бўйлаб текинга саёҳат қилишлари мумкин. Бу ҳақида Москва маданият департаменйи сайтига асосланиб, “ТАСС” хабар бермоқда, деб “Kun.uz”.
Бу москваликлар учун муносиб “Янги йил совғаси” бўлади дейилади хабарда.
Кириш бепул қилиб қўйилган музейлар рўйхатида “Царицино музейи”, “Дарвин музейи”, “Космонавтлар музейи”, “Қирғоқдаги уй” музейи каби йирик музейларни кўриш мумкин. Бу рўйхатнинг тўлиқ кўриниши сайтда берилган.
Шунингдек, бу кунлар давомида шаҳар хиёбонларида кўчма кўча музейлар ҳамда кўргазмалар ташкил этилади. Хусусан, Измайлово ва Коломенское қўрғончаларида махсус “Янги Йил кўргазмаси” уюштирилса, Тверь хиёбонида “Қишки фотосессия” номи остида кўргазма намойиши бўлиб ўтади. “Ишчилар ва колхозчилар” марказида эса Ольга Никишинанинг 100дан ортиқ ижодий ишларини қамраган кўргазма ташкил этилади.