Афғонистон махсус кучлари ИШИД етакчиларидан бири, жангариларнинг Афғонистон шимоли ва Марказий Осиёдаги фаолиятига бошчилик қилган Муфти Ўзбекни йўқ қилишди. Бу ҳақда Khaama Press ахборот агентлигига таяниб Kun.uz хабар берди.
Маълум қилинишича, асосан терактларни режалаштириш ва ташкиллаштириш билан шуғулланган террорчи Баглан вилоятидаги операция вақтида йўқ қилинган. У ИШИД жангариларининг Марказий Осиёдаги операцияларини молиялаштиришга жавоб берган.
Операция вақтида шунингдек уч нафар жангари йўқ қилиниб, катта миқдорда қурол қўлга киритилган.