«Замин»ни Telegram’да ўқинг! Join!
Zamin.uz
, 29 2024, 05:39
ЎЗO‘Z

Амир Темур ролига даъвогар 5 актёр: бу образга ким муносиб?

07 апр, 22:42 7 643 Маданият
«Замин»ни Telegram’да ўқинг!
Амир Темур ролига даъвогар 5 актёр: бу образга ким муносиб? Театр саҳнасида катта, айниқса, тарихий воқеаларни жонлантириш анча мушкул иш. Томошабин кўз ўнгида жанг саҳналарини ташкил этиш ҳам осон эмас.

Тарихий спектакль муваффақиятли чиқиши учун режиссёрдан маҳорат, рассомдан саҳна безакларига жиддий эътибор бериш ва актёрлардан ўз ролини маромига етказиб ижро этиш талаб этилади. Акс ҳолда, томошабин истаган вақти томоша залини тарк этиши мумкин.
“Жалолиддин Мангуберди”, “Чингизхон”, “Тўмарис”, “Бибихоним” ва “Амир Темур” спекталларини саҳналаштирган режиссёр Сайфиддин Мелиев ҳар бир деталга, актёр салоҳиятига алоҳида эътибор беради. У қаҳрамонларнинг кийими, ҳатто ролни ижро этаётганда ўзини тутиши, воқеликка бўлган ҳолатини ҳам кўздан қочирмайди.

Режиссёр тарихий спекталлар олишни ўз бурчи, деб билиб яна бир марта Амир Темур мавзусига қўл урди.
– Ўзбекистон давлат санъат ва маданият институтини тамомлаш арафасида диплом иши сифатида тарихчи Бўрибой Аҳмедовнинг “Амир Темур” романи асосида спектакль саҳналаштирганмиз, – дейди Мудофаа вазирлиги маданият ва маърифат марказининг “Турон” театр-студияси бадиий раҳбари, режиссёр Сайфиддин Мелиев. – Ўшандан буён Амир Темурга бағишланган кўплаб китобларни ўқидим. Хорижий давлатларда қўйилган спектакль, операларни кўрдим. “Амир Темур” спектаклини иккинчи марта 2015-2016 йилда Бухоро вилояти мусиқали драма театрида саҳналаштирганмиз. Бу спектаклга 7 ой вақт сарфлагандим, аммо постановкачи режиссёр мен бўлсам-да, эълонлардан исмим олиб ташланган эди. Бу ҳам етмагандек, воқеалари ҳам қисқартирилганди. Хабар беришларича, бугунги кунда эълонларга исмим тикланибди. Соҳибқирон ҳаётига оид китоб ва пьесаларни қайта ўқиб, бу мавзуга яна қўл урдим.

Режиссёрнинг маълум қилишича, спектакль Амир Темур ҳақидаги илмий ва бадиий китоблар асосида саҳналаштирилмоқда. Бу спектаклга юзаки ёндашиб бўлмайди. Шунинг учун рассом, актёрларга аниқ талаблар қўйилган. Биринчи навбатда, улар тарихни яхши билиши керак. Ўша даврда кийимлар, қурол-аслаҳалар қандай бўлган? Уларнинг юриш-туриши ва сўзлашуви ҳам жуда муҳим роль ўйнайди.
Ҳар бир актёр Амир Темур, актрисалар эса Бибихоним ролини ижро этишни истайди. Спектакль бош роли учун 5 нафар актёрнинг ҳар бири билан репетиция жараёни олиб борилмоқда. Уларнинг энг яхшиси Амир Темур ролига танлаб олинади.

P/S.: Ушбу актёрларнинг кимлиги ҳақида режиссёрдан сўраганимизда, “Ҳозирча сир бўлақолсин, спектакль премьерасида билиб оласиз”, дея жавоб берди. Спектакль премьераси жорий йилнинг июнь ойида режалаштирилмоқда.
Хуршид Қодиров, ЎзА




Мавзуга оид янгиликлар
  • Гомернинг «Илиада» асари қадимги чўккан кемаларни топишда ёрдам берди 27 мар, 13:05 141
  • «Ҳайрат» фильми Россия кинофестивалида тақдирланди 26 мар, 22:49 167
  • Ғуломжон Ёқубовнинг созандасига кўнгил қўйган Гулсанам Мамазоитова 43 ёшда (фото) 22 мар, 18:18 1 276
  • Эркаклардан кам бўлмаган муваффақиятга эриша олишини исботлаган аёллар ҳақидаги 10 та фильм 21 мар, 11:10 74
  • Равшан Комилов: “‘Х-фактор’ кўрсатувидан бир тийин ҳақ олганим йўқ” 13 мар, 11:00 353
  • Озодбек Назарбеков: “Энг тўғри йўл – санъаткорлар даромадини мажбурий декларациялаш” 13 мар, 00:30 299
  • Сўнгги янгиликлар
  • Қўштепа канали қурилиши бутун Марказий Осиёга таҳдид солмоқда 29 мар, 05:00 1
  • «Крокус»даги теракт иши бўйича яна бир киши ушланди 29 мар, 00:30 111
  • Нима учун «Крокус»да керакли паллада хавфсизлик кучлари йўқ эди? 29 мар, 00:11 101
  • Зеленский: “Агар снарядлар етарли бўлмаса, Украина Россия ҳужумини қайтара олмайди” 28 мар, 23:45 69
  • Мексикадаги матбуот анжуманида бутун жамоа иштирок этиб, мухлислардан узр сўради 28 мар, 23:27 59
  • Мижозларни 1,8 млрд долларга алдаган криптовалюта биржаси асосчиси 25 йилга қамалди 28 мар, 23:04 40
  • Футзал. Ўзбекистон иккинчи ўйинда Қирғиз Республикасини мағлуб этди 28 мар, 22:56 35
  • Суперлига. “Динамо” “Металлург” устидан иродали ғалабага эришди 28 мар, 22:51 41
  • Нима учун олимлар аёлларга вақти-вақти билан йиғлаб туришни тавсия қилади? 28 мар, 22:22 40
  • Кирилл Буданов: “Россия ўз ҳудудида теракт тайёрланаётганини камида бир ой олдин билган” 28 мар, 21:56 186
  • Якуни мавҳум бўлиб бораётган Украина уруши: тарихий башорат ва ечимлар 28 мар, 21:29 301
  • Жаҳон банки: Ўзбекистон иқтисодиётидаги гендер тенглик 700 минг одамни камбағалликдан олиб чиқиши мумкин 28 мар, 21:02 26
  • Бўлимлар