Фото: «Тошкент» телеканалиТошкент шаҳрининг Юнусобод туманида тўй кортежи ҳайдовчилари маъмурий жавобгарликка тортилди. Бу ҳақда «Тошкент» телеканали дастурида хабар берилди.
Жорий йилнинг 2 апрель куни Амир Темур ва Осиё кўчалари чорраҳаси кесишмасида жами тўртта Range Rover русумли автомашиналар гуруҳ-гуруҳ бўлиб ҳаракатланиб келаётган вақтда йўл-патруль инспектори томонидан тўхтатилган. Боиси, улар йўл ҳаракати қоидасини бузган ҳамда орқа томондаги транспорт воситалари ҳайдовчиларига ноқулайликлар туғдирган. Ушбу қоидабузар ҳайдовчиларга нисбатан маъмурий баённома тузилган.
«Маъмурий жавобгарлик кодексининг 129-моддасига асосан ҳар бир ҳайдовчи энг кам иш ҳақининг икки баробаридан жарима тўлайдиган бўлди. Шунингдек, огоҳлантириш ва профилактик суҳбат ҳам ўтказилди», — дейди йўл-патруль хизмати ходими.
Манба: Daryo.uz