Қирғизистон-Тожикистон чегарасида бўлиб ўтган низо натижасида бир киши қаттиқ яраланган, дея хабар берди Даракчи нашри.Қирғизистоннинг Боткен тумани Оқсой қишлоғи ва Тожикистоннинг Меҳнатобод қишлоғи аҳолиси ўртасида низо келиб чиққан. Тожикистонликлар қирғиз техникаси йўлини тўсиб қўйган. Оқибатда 200 га яқин Қирғизистон ва Тожикистон фуқаролари бир-бирларига тош отишган. Натижада эса бир қирғизистонлик қаттиқ яраланган ва касалхонага етказилган.