«Замин»ни Telegram’да ўқинг! Join!
Zamin.uz
, 25 2020, 05:08
ЎЗO‘Z

Осиё Кубоги плей-офф жуфтликлари ҳақида (батафсил)

16 янв, 23:47 2 631 Спорт
«Замин»ни Telegram’да ўқинг!
Осиё Кубоги плей-офф жуфтликлари ҳақида (батафсил) Учинчи турдан ўрин олган дастлабки ўйинлар ўтказилди. Унга кўра, мусобақага мезбонлик қилаётган БАА терма жамоаси гуруҳда пешқадамлигини расмийлаштиришга кўмак берган дурангга Таиландга қарши баҳсда имзо чекди. Нариги тўқнашувда эса Баҳрайн Ҳиндистонни ранжитди ва Осиё Кубогидаги илк ғалабасини нишонлади. Натижада "A" гуруҳида БАА (5) пешқадам, Таиланд (4) иккинчи ўрин соҳиби сифатида нимчорак финал йўлланмасига эгалик қилди. Баҳрайн ҳам ўз активидаги очколар сонини 4тага етказиб, энг яхши тўртта учинчи ўрин эгаларига бериладиган йўлланмадан бири аллақачон расмийлаштириб бўлди. Чунки қолган беш гуруҳнинг тўрттасида учинчи ўрин соҳиблари ҳисобида охирги турдан аввал 0 очкодан мавжуд.

"B" гуруҳида ҳам барча нарса маълум бўлди. Голларга бой ўтган баҳсда Австралия Сурияни катта қийинчилик билан бўлсада мағлуб этди ва иккинчи ўринни мустаҳкамлади. Гуруҳ пешқадамлигини аллақачон ҳал этган Иордания учинчи турга қадар гуруҳ аутсайдери бўлган Фаластин билан нурсиз дурангга рози бўлди. Натижада Сурия гуруҳда охирги, Фаластин эса 2 очко билан учинчи ўринда қолди. Энг қизиғи, гуруҳда 2 очко тўплаган Фаластинда назарий жиҳатдан 3-ўринга бериладиган тўртта йўлланмадан бирини қўлга киритиш имконияти мавжуд.

Бугун "C" гуруҳида охирги тур ўйинлари бўлиб ўтди. Гуруҳ етакчилари ўртасидаги баҳсда пешқадам номи маълум бўлди. Жанубий Корея Хитойга ҳеч қандай имконият қолдирмади ва "квартет"ни якка ҳоким сифатида тугатди. Хитой эса иккинчи ўрин билан нимчорак финалда Таиландга рўбару келди. Жанубий Кореянинг рақиби эса "A,B,F" гуруҳларидан чиқадиган учинчи ўрин соҳиби бўлиши мумкин. Гуруҳдаги охирги баҳсда Қирғизистон терма жамоаси Филиппин устидан ишончли ғалабани тантана қилди ва нимчорак финалга чиқиш имкониятларини кескин оширди. Учинчи ўрин билан чиқадиган тўртта йўлламадан бири айнан Қирғизистонга насиб этиши мумкин. Ҳозирча ушбу лимитдан Баҳрайн фойдаланиб бўлди. Қирғизистон эса "B" гуруҳида учинчи бўлган Фаластиндан кўра яхши натижа қайд этди.

"D" гуруҳида ҳам учинчи тур ўйинлари якунланди. Унда гуруҳ етакчилари - Эрон ва Ироқ ўртасидаги баҳсда ғолиб номи аниқланмади. Голлар нисбатига кўра Эрон гуруҳни пешқадам сифатида тугатди. Ироқ эса иккинчи ўрин соҳибига айланди. Вьетнам жамоаси Яман устидан 2:0 ҳисобидаги ғалабани расмийлаштирди. Бу эса Қирғизистонга қўл келди. Айнан Вьетнамнинг Яман устидан 3 тўп фарқи билан ғалаба қозона олмагани туфайли Қирғизистон учинчи ўрин билан йўлланмага эга бўладиган 4 та лимитдан иккинчисини ўз фойдасига ҳал этди. Вьетнамда ҳам нимчорак финалга йўл олиш имконияти сақланиб турибди. Бу кўп жиҳатдан "E" ва "F" гуруҳидаги аутсайдерларнинг ўзаро учрашувига боғлиқ.

"E" ва "F" гуруҳларида эртага охирги тур ўйинлари бўлиб ўтади.


Плей-офф сеткаси қуйидагича кўриниш олган:

Нимчорак финал жуфтликлари:
37-ўйин: Иордания - 3-ўрин соҳиби (A-Баҳрайн, C-Қирғизистон, D)
38-ўйин: Таиланд - Хитой
39-ўйин: Эрон - 3-ўрин соҳиби (B,E,F)
40-ўйин: Ўзбекистон/Япония - Саудия Арабистони/Қатар
41-ўйин: Австралия - Япония/Ўзбекистон
42-ўйин: БАА - 3-ўрин соҳиби (Қирғизистон,D,E)
43-ўйин: Жанубий Корея - 3-ўрин соҳиби (B,F)
44-ўйин: Қатар/Саудия Арабистони - Ироқ

Чорак финал:
45-ўйин: 37-ўйин жуфтлиги ғолиби - 40-ўйин жуфтлиги ғолиби
46-ўйин: 38-ўйин жуфтлиги ғолиби - 39-ўйин жуфтлиги ғолиби
47-ўйин: 43-ўйин жуфтлиги ғолиби - 44-ўйин жуфтлиги ғолиби
48-ўйин: 42-ўйин жуфтлиги ғолиби - 41-ўйин жуфтлиги ғолиби

Ярим финал:
49-ўйин: 46-ўйин жуфтлиги ғолиби - 45-ўйин жуфтлиги ғолиби
50-ўйин: 47-ўйин жуфтлиги ғолиби - 48-ўйин жуфтлиги ғолиби

Финал:
51-ўйин: 49-ўйин жуфтлиги ғолиби - 50-ўйин жуфтлиги ғолиби

Манба: championat.asia



 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Осиё Кубоги-2019 статистикаси (фото) 03 фев, 11:03
  • Осиё Кубоги. Бугун нимчорак финалда 3 та ўйин бўлиб ўтади 20 янв, 17:06
  • Осиё Кубоги: Гуруҳ босқичи якунлари ва рамзий терма жамоа 19 янв, 19:46
  • Осиё Кубоги. Бугунги ўйинлар анонси билан танишинг 15 янв, 17:20
  • Осиё кубоги: Бугун гуруҳ босқичи 2-тур учрашувлари бўлиб ўтади 10 янв, 10:43
  • Осиё Кубоги-2019. Ўзбекистон гуруҳдан чиқса кимга қарши ўйнайди? 23 дек, 09:10
  • Сўнгги янгиликлар
  • "UFC 254". Нурмагомедов Гэтжини мағлуб этди 25 окт, 02:05 522
  • Ўзжан Дениз кўнгил қўйган машҳур турк актрисалари (фото) 25 окт, 00:30 554
  • Шомуродов захирадан майдонга тушган ўйинда «Женоа» «Интер»га мағлуб бўлди 25 окт, 00:14 640
  • Коронавирусга қайта чалинмаслик учун нималар қилиш керак? 25 окт, 00:05 669
  • Уй-жойга муҳтож Адлия вазирлиги ходимлари ўз уйларига эга бўлдилар 24 окт, 23:40 376
  • Адлия вазирлигининг кенгайтирилган ҳайъат мажлиси ҳақида 24 окт, 23:15 322
  • БААда ўзбекистонликларга иш таклиф этилмоқда 24 окт, 22:44 1 739
  • 1 ноябрдан қонунчиликда нималар ўзгаради? 24 окт, 22:12 1 274
  • Божхоначилар “Камаз” операциясини фош этишди 24 окт, 21:47 619
  • Ла Лига. «Реал» Каталонияда «Барселона»ни таслим этди 24 окт, 21:14 475
  • Нурмагомедов ёки Гэтжи: букмекерлар фаворитни эълон қилишди 24 окт, 20:42 1 478
  • Божхоначилар 150 миллион сўмлик тропикамиднинг ноқонуний айланмасига чек қўйишди 24 окт, 20:22 295
  • Бўлимлар