2015 йил 21 январь куни “Microsoft” компанияси ўзининг янги браузери ҳамда “Windows 10” операцион тизимининг янги функцияларини тақдим этиши мумкин. Бу ҳақда “ZDNet” нашрига асосланиб “Kun.uz” хабар бермоқда.
Лойиҳа “Spartan” номи билан аталмоқда. Янги браузернинг кўриниши “Internet Explorer”дан кўра “Google Chrome” ва “Mozilla Firefox”га яқинроқ бўлади. Шунга қарамай, браузер “Internet Explorer”да фойдаланилган “Microsoft Trident” движоги асосида яратилади.
“Spartan” браузерини “Windows 10” тизимида ишлайдиган барча қурилмаларга, смартфон, планшет, ҳаттоки, “Xbox” қурилмасига ўрнатиш мумкин бўлади.
Эслатиб ўтамиз, “Windows 10” илк бор жорий йилнинг 30 сентябрида тақдим этилган эди.