«Замин»ни Telegram’да ўқинг! Join!
Zamin.uz
, 23 2021, 15:25
ЎЗO‘Z

Ўзбекистонда 2018 йилда жиноий жавобгарликка тортилган мансабдор шахслар

06 янв, 17:30 4 649 Жамият
«Замин»ни Telegram’да ўқинг!
Ўзбекистонда 2018 йилда жиноий жавобгарликка тортилган мансабдор шахслар
2018 йилда Ўзбекистонда 1561 нафар турли тоифадаги мансабдор шахслар жиноий жавобгарликка тортилган. Бу ҳақда Kun.uz нашри Бош прокуратура матбуот хизматига таяниб хабар берди.

«Буларнинг аксариятини хўжалик юритувчи субъект раҳбарлари ташкил қилади - 580 нафар. Шунингдек, таълим соҳасида 257 нафар, соғлиқни сақлаш тизимида 83 нафар мансабдор шахс жиноий жавобгарликка тортилган.

Жинояти фош қилинган мансабдор шахсларнинг 39 нафари республика, қолганлари вилоят туман-шаҳар миқёсидаги вазирликлар, идоралар ҳамда корхона ва ташкилотларда ишлаган.

Жиноий жавобгарликка тортилган ходимларнинг 821 нафари ўзганинг мулкини ўзлаштириш ёки растрата йўли билан талон-торож қилиш, 138 нафари пора олиш ва бериш, қолганлари эса бошқа мансабдорлик жиноятлари учун жавобгар бўлган», дейилади хабарда.

Қайд этиш керакки, 2018 йилда жиноий жавобгарликка тортилган мансабдор шахслар бўйича қатор шов-шувли номлар ҳам бор. Дастлаб, 2018 йилнинг февраль ойи охирида собиқ бош прокурор Рашид Қодиров Жиноят-процессуал кодексининг 221-моддаси тартибида қўлга олинганди. Унга нисбатан «Товламачилик», «Ҳокимият ёки мансаб ваколатини суиистеъмол қилиш», «Пора олиш» моддалари бўйича жиноят иши очилган. Шунингдек, ушбу жиноят иши бўйича бош прокурорнинг собиқ ўринбосарлари ҳамда Тошкент вилоятининг собиқ прокурорлари бўлмиш Жамшид Файзиев ва Улуғбек Суннатов ушланганди.

Кейинроқ ушбу иш доирасида яна ўндан ортиқ киши қамоққа олинди. Улар орасида «Тошкентни титратган прокурор» - Тошкент шаҳар прокурорининг коррупция ва иқтисодий жиноятлар бўйича собиқ ўринбосари, «Антибиотик» лақабли адлия маслаҳатчиси Мирағлам Мирзаев ва унга яқин бўлган бошқа прокурорлар ҳам бор эди.

Жиноий ишнинг натижалари яқин вақтлар ичида кенг оммага ошкор қилиниши айтилган.

Июль ойида эса Самарқанд вилояти ҳокими Туробжон Жўраев қўлга олинди. У вилоятда коррупцион тизим яратгани, Самарқанд вилоят ҳокимлигида турар жойлар қуриш учун рухсатнома бериш, ер участкаларини тақсимлашда ўзига хос «ставка» жорий этилгани маълум қилинди. Тасдиқланмаган маълумотларга кўра, собиқ ҳокимнинг офисидан пора сифатида олинган 1 миллион доллар миқдоридаги маблағ топилган. Айни вақтда унинг иши судга оширилган.

2018 йилнинг сентябрь ойи бошларида эса Юнусобод тумани собиқ ҳокими Бахтиёр Абдусаматов катта миқдордаги пора билан қўлга олингани ҳақида хабар тарқалди. Унга ва бошқа мансабдор шахсларга нисбатан Ўзбекистон Республикаси Жиноят кодексининг 210 ва бошқа моддалари билан қўзғатилган жиноят иши юзасидан ҳозирда дастлабки тергов ҳаракатлари олиб борилмоқда.

Ўтган йилнинг декабрь ойи охирида эса Ўзбекистон Давлат божхона қўмитасининг собиқ раиси Муиджон Тоҳирий ҳибсга олингани ҳақида расман хабар берилди.




 Добавление комментария


Кликните на изображение чтобы обновить код, если он неразборчив

Мавзуга оид янгиликлар
  • Олти ойда 661 мансабдорга иш очилди. Улар қанча пулни «еб юборган»? 31 июл, 21:30
  • Жиноят ишлари бўйича Чиноз туман суди раиси қўлга олинди 09 июл, 14:00
  • Ўзбекистонда 2,7 минг мансабдорга интизомий чоралар кўрилди 22 апр, 07:30
  • Фуқаролар мурожаатига беписанд қараган 15 нафар мансабдор шахслар жиноий жавобгарликка тортилди 23 фев, 21:30
  • 6 ойда Тошкент вилоятида 97 мансабдорга нисбатан 70 та жиноий иш қўзғатилди. Батафсил… 28 июл, 15:08
  • 9 нафар ички ишлар ходими жиноий жавобгарликка тортилди 20 апр, 22:30
  • Сўнгги янгиликлар
  • Ҳайдовчилик гувоҳномаси бўлмаган йигит «Нексия»да юк автомобилига урилди 23 апр, 14:44 1
  • «Қопламанинг хизмат қилиш муддати белгиланмаган» — Сенат автойўллар борасидаги камчиликлар ҳақида 23 апр, 14:12 2
  • ДСҚ ҳисобварақ-фактуралар тизимидаги ўзгаришлар тўғрисида маълумот берди 23 апр, 13:43 60
  • 24 апрел куни ҳаво ҳарорати 30 даражагача кўтарилади 23 апр, 13:13 143
  • Озодбек Назарбеков отаси вафот этгани ҳақидаги гап-сўзларга муносабат билдирди 23 апр, 12:40 427
  • 1 июндан айрим тадбиркорлар солиқларни бўлиб-бўлиб тўлаши мумкин 23 апр, 12:12 244
  • Ўзбекистонга «Спутник V» вакцинасининг дастлабки партияси олиб келинди 23 апр, 11:30 327
  • Дунёнинг энг қиммат шаҳрида ўн минглаб уйлар бўшаб қолди 23 апр, 10:46 704
  • "Пахтакор"га қарши баҳс ҳақида Шукуровнинг устози нималар деди? 23 апр, 10:23 493
  • Русланбек Давлетов: “Амалдорларнинг харажатлари очиқланиши керак” 23 апр, 09:50 527
  • Украинлар рус босқинига қарши бирлашмоқда 23 апр, 09:13 1 104
  • Грин Кард учун ҳам рўмолини ечмаган қиз 23 апр, 08:38 518
  • Бўлимлар