Аралаш йўналиш (ММА) бўйича ирландиялик жангчи Конор Макгрегор америкалик кичик Флойд Мэйвезернинг япониялик Тенсин Насукава устидан қозонган ғалабасига муносабат билдирди. Макгрегор бу ҳақда Twitter’даги саҳифасида ёзган.«Бу тўққиз миллион доллар (Насукава билан жанг учун Мэйвезернинг гонорари) сени менинг рўйхатим юқори қисмида узоқ вақтга ушлаб турмайди, йигитча», - дея ёзган ирландиялик.
Макгрегор гап қайси рўйхат ҳақида кетаётганига аниқлик киритмаган. У ёзувга #Forbesy хештегини қўйди. Эҳтимол, жангчи Forbes рўйхатини назарда тутган. Йил якунларига кўра, Forbes Мэйвезерни дунёда энг кўп ҳақ тўланадиган спортчи (285 миллион доллар) деб топди. Макгрегор 99 миллион доллар билан рейтингнинг тўртинчи поғонасидан жой олди. Боксчидан ташқари, у Лионель Месси (111 миллион) ва Криштиану Роналдуга (108 миллион) имкониятни бой берди.
31 декабрь куни Японияда кикбоксчи Насукава билан бўлиб ўтган жанг учун Мэйвезер тўққиз миллион доллар ишлаб олди. Бокс қоидалари бўйича ўтказилган баҳс биринчи раундда якунланди. Америкалик рақибини уч марта нокдаунга учратди, шундан сўнг Насукаванинг жамоаси жангни тўхтатишга қарор қилди. Қарама-қаршилик натижаси спортчилар расмий статистикасида қайд этилмайди.