"Apple" компанияси букилувчан смартфон ишлаб чиқариш имконини берувчи технологияга патент олди. Яқинда худди шундай технология "Apple"нинг асосий рақобатчиси бўлмиш "Samsung" томонидан ҳам тақдим этилган эди."Samsung" гаджетларидан фарқли равишда "Apple" смартфони ҳар иккала тарафга – ичкарига ва ташқарига букила олади. Компания бундай технологияга дош берувчи ва деформацияга учрамайдиган экран яратиш ҳаракатида. Патентда таърифданган OLED-панель букилишларга чидамли бўлиб, экранни турли шикастланиш ва дарз кетишидан ҳимоя қилувчи махсус полимер ва пигмент билан қопланган.
Бошқа патентларда бўлгани каби, ушбу технология ҳам амалда яратилишига ҳеч қандай кафолат йўқ. Шунга қарамай, агар букланувчи смартфонларга талаб катта бўладиган бўлса, "Apple" шундай қурилманинг муқобил вариантини ишлаб чиқаришига тўғри келади. Бироқ у рақобатдошлариникидан ҳам яхшироқ бўлиши лозим.