Гаджетлар унумдорлигини таққословчи AnTuTu компанияси Android операцион тизимида ишловчи, 2018 йилнинг энг оммавий смартфонларини маълум қилди. Рейтинг компания сайтида эълон қилинган.Рейтингнинг энг юқори ўрнини Xiaomi Mi 8 Explorer Edition смартфони эгаллаган. Унинг рейтинги 97 фоизни ташкил қилган. Экспертлар 2-ўринга Samsung Galaxy S9+’ни, 3-ўринга Meizu 16th’ни қўйишган. Бу смартфонлар рейтинги 96 фоизни ташкил қилган.
Huawei Mate 10 Pro, Oppo Find X ва Meizu 16th Plus смартфонлари 95 фоизлик рейтинг билан 4-6-ўринларни бўлишган. 7-ўринга OnePlus 6, 8-ўринга Huawei Mate 10, 9-ўринга эса олдинга сурилиб чиқувчи олд камерага эга Vivo NEX Ultimate қўйилган.
Етакчи ўнталикнинг сўнгги ўрнини Samsung’нинг яна бир қурилмаси – Galaxy S8+ эгаллаган.
Рейтинг етакчиси Mi 8 Explorer Edition юзнинг 3D-сканери ва экран остига жойлаштирилган бармоқ излари сканери билан жиҳозланган. Бироқ 3D-сканер европалик кўринишга эга одамлар юзини таний олмайди, аммо буни минтақани Хитойга ўзгартириб тузатиш мумкин. Шунингдек, смартфоннинг орқа панелида смартфон ичидаги бутловчи қисмлар, жумладан Snapdragon 845 процессори сурати туширилган.