Кеча, 5 декабрь куни соат тахминан 18:45 ларда Қамчиқ довони мудҳиш ЙТҲ содир бўлган, деб хабар берди Тошкент вилояти ЙПХ матбуот хизмати.Қайд этилишича, Қамчиқ довони ҳудудидан ўтувчи А 373 "М39 Гулистон-Бўка-Ангрен-Қўқон-Андижон орқали Ўш" автомобиль йўлининг 214-километрида ҳайдовчи, 1985 йилда туғилган К.Б. Nexia-2 русумли автоуловни Ангрен-Наманган йўналишида бошқариб кетаётиб, ухлаб қолиши натижасида йўл қурилиш ишларида хизмат кўрсатаётган "IVECO" русумли махсус автокран орқасига урилиб тўқнашув содир этган.
Nexia автомашинаси ҳайдовчисининг ухлаб қолиши оқибатида, ўзи ва йўловчилар 1992 йилда туғилган Қ.Ф, 1999 йилда туғилган Ф.Х. 1936 йилда туғилган А.К.нинг умрига зомин бўлди.
Ушбу йўл транспорт ҳодисаси юзасидан Оҳангарон тумани ИИБ ҳузуридаги Тергов бўлими томонидан дастлабки тергов ҳаракатлари олиб борилмоқда.