"OnePlus 6T" смартфони сотувга чиқарилганига ҳали кўп бўлмади, шунга қарамай, "OnePlus" ушбу флагман смартфонга ворис сифатида бир эмас, иккита смартфонни тақдим этмоқда.Янги қурилмаларга доир тафсилотларни компания вакили сўзларига асосланиб, CNET ресурси тарқатди.
Манбанинг сўзларига кўра, "OnePlus 6T" смартфонининг бевосита ворисига айланиши кутилаётган 'OnePlus 7" смартфони бешинчи авлод алоқа тармоқларини қўллаб-қувватламайди.
5G тармоқни қўллаб-қувватловчи алоҳида модель тайёрланмоқда. У нисбатан қимматроқ бўлади, “оддий” "OnePlus 7" эса шу компания смартфонлари учун одатий нархларда бўлади.
"OnePlus"нинг илк 5G-смартфони ва "OnePlus 6T"нинг бевосита вориси тақдимоти 2019 йил бошида бўлиб ўтиши кутилмоқда.
Тақдимотнинг 25-28 февраль кунлари Барселонадаги MWC 2019 кўргазмаси доирасида бўлиб ўтиши эҳтимоли катта.