9 ноябрь куни Тошкент вилояти Ички ишлар бошқармаси бошлиғига уч ўринбосар тайинланди. Бу ҳақда ИИВ ахборот хизмати хабар берди.Жумладан, подполковник Рустамжон Дўстматов вилоят ИИБ бошлиғининг жамоат тартибини сақлаш бўйича ўринбосари, подполковник Алиахмед Чориев ИИБ бошлиғининг ўринбосари – кадрлар бошқармаси бошлиғи, подполковник Азизхон Агзамов ИИБ бошлиғининг ўринбосари – молия ва моддий-техника таъминоти бошқармаси бошлиғи лавозимига тайинланган.
Октябрь ойида Тошкент вилояти ички ишлар бошқармаси бошлиғи Абдумалик Алламуродов лавозимидан озод этилиб, унинг ўрнига полковник Тоҳир Арипов тайинланганди.
Бундан ташқари, Бўка тумани Ички ишлар бўлими бошлиғи лавозимига полковник Илҳомбой Худайбергенов тайинланган.