Брюс Ли ва Жеки Чанларни дунёга танитган продюсер Реймонд Чоу 2 ноябрь куни тунда Гонконгда вафот этди. Бу ҳақда "South China Morning post"га таяниб Turon24 AA хабар бермоқда.Гонконглик таниқли продюсер 91 ёшда оламдан ўтди.
"Гонконг киносаноатининг чўқинтирган отаси" дея эътироф этиладиган Реймонд Чоу ўз фильмлари орқали дунёга машҳур актёрлар ва жанг санъати усталарини танитган. "Golden Harvest" кинокомпанияси асосчиси Реймонд Чоу ҳаёти давомида 600 дан ортиқ фильмларга продюсерлик қилган.