Профессионал бокснинг иккинчи супер енгил (-55,34 кг) вазн тоифасида рингга чиқаётган ўзбекистонлик Муроджон Аҳмадалиев WBA нинг янгиланган рейтингида уч поғона юқорилади.31 октябрь куни эълон қилинган рейтингга кўра, Муроджон Аҳмадалиев 3-ўринда қайд қилинган. Сентябрь ойи учун рейтингда у 6-ўринда бораётганди. Айни вақтда Аҳмадалиев вазн тоифасидан қатъи назар, Ўзбекистоннинг биринчи рақамли боксчиси бўлиб турибди.
WBA рейтингидан, шунингдек, яна икки нафар ўзбекистонлик боксчи ўрин олган. Супер енгил (-63,5 кг) вазн тоифасида рингга чиқаётган Шоҳжаҳон Ҳасанов 7-поғонани сақлаб қолган бўлса, Шаҳрам Ғиёсов бир поғона пастлаб 15-ўринга тушган.
Муроджон Аҳмадалиев ва Шаҳрам Ғиёсов 24 ноябрь куни профессионал боксдаги навбатдаги жангларида иштирок этади. Шоҳжаҳон Эргашев эса 17 ноябрь куни рингга чиқиши кўзда тутилган.